ارجو المسااعده في ترويض الببغاء التمنه !_!

[parro0ts]

بسم الله الرحمن الرحيم

انا عندي ببغاء تمنه كان عندنا من يوم كان فرخ بس بعدين كبر و حطيناه برع ماعن كنا انروح له كلل يوم تقريبا بس ما كنا انطلعه برع القفص بعد فتره دخلناه و طلعناه من القفص بس صار شريير و كلا ايعض ماعنه ياخذ قطعه حب شمسي او اي شي له بووز ( مثل هاي < ) و يحك رقبته عاد انا اجي و احك رقبته و يستاااانه و احاول ازخ جسمه من راسه ليين ذيله ايخليني بس لما احاول معاه بعد شوي يعضني و ما ايخليني ازحه الى لما ينزل على الارض و بس ازخ جناحه و على مزاجه احتاج مساعده


انا حاولت من الاشياء الموجوده في المنتدى و ما نجحت مثل :

1 القفاز

2 المرآه

3 العصي ( ما ايحب العصي مالت القفص )

[عاشقة الطيور]

السلام عليكم ورحمة الله وبركاته

اانا اجوف ان المسأله يبي لها طولة صبر لا اكثر .. ((لما احاول معاه بعد شوي يعضني)) هذا معناته انه للحد الحين ماوثق فيج حاولي اختي قد ماتقدرين تأكلينه بيدج ولتسوين حركه تضايقه

واذا يخليج مره تمسحين على راسه ومره لا خليه ورجعي له مره ثانيه بشوية صبر وعدم يأس ان شاءالله بيصير اليف وياكم

وبالتوفيق ان شاءالله

[حور الجنان]

أن حقي مثل حثك تمنه


ماهو راضي يتروض


جربت كل الطرق


وشكلي ببيعه

[مظلوم_جميرا_1]

مرحبااا الطيبه

انا امسات خذت خبره من عند اربيعي فدوام

يقولي اذا شفت الطير جي يعض و يخااااف


حط في اي مكان مرتفع في الحجره حيث انه يحس نفسه فوووق وانتو تحت

ويحس بامان ...لان اذا في مكان سفلي يقول منو هييل الضخاما فيخاف

فجربي اختي هاي الطريقه ان شاء الله نمجح ويااج
والسموحه

[المري1]

ترويض الطير بالنسبة للهواة بين 6 شهور الى سنه

انا طير اخوي ماتروض وتكلم الا بعد 7 شهور وبعدها صار زي العسل

يعني انا ادعوكم بالصبر والعبرة في الترويض بالشهور وليس بالايام

لكن مادام انكم جدد حاولوا تكون طيوركم صغيرة 7 - 8 شهور

وطيركم القديم ان كان كبير خلوه ، حرام يتعذب مع غيركم ، وبيتربى مع الوقت وبيتعلم من الطير الجديد

لكن بعض الطيور المروضة يخربها الطير الوحشي ويعلمها الجعار فانتبهوا من هالشي

وبالتوفيق