لعبة التجار اليوم في الهولندي....,

[عازف الكيبورد]

أخوى سكيلد الطيور التى تاخذ من الغابات تاخذ من الاعشاش

باعمار صغيره وتلبس الحجول وتتم تغذيتهم يدوي ومن ثم بيعهم


كطريقة صيد البلابل بلخليج

[Reyad]

والله يا اخوان انا رايي بالموضوع ان الحجل المسكر مايكون مزور , صحيح ان اسم الكاسكو هولندي, بس اهو مفرخينه بمزارع بافريقيا , هالمزارع يملكها اوربيين واول ناس اشتغلوا بهالشغله هم الهولنديين , وعادي يطلعلك هولندي يجعر مع انه متربي على الايد , الحين احنا البشر هل كلنا مثل بعض , لو تربي عشر اخوان نفس التربيه هل شرط انهم يطلعون مثل بعض , فالطيور منها الذكي ومنها الشقردي ومنها النشيط ومنها الغبي والكسلان والكمخه , مو معناته ان الطيور المحجله مثل بعض , وبالنسبه لامراضهم فهذا يرجع الي انتشار الامراض الخطيره والمعديه بين الطيور ولا ننسى طريقة النقل والفحص , ممكن ان يكون الطير مايبين عليه انه مريض وصاحب المحل مخليه مع باقي الطيور , يعني الخطأ في العنايه , وخل نحسن النيه لأن بصراحه الحجل المسكر مستحيل يدخل برجل الطير الا باول يومين من تفريخه, والله اعلم.

[عازف الكيبورد]

Reyad

اخوى الحجل يوضع برجل الفرخ حتى بعد شهر من تفريخه وليس اول يومين

[بوفيصل]

والله انتو مسوين لجه على الهولندي والهولندي والهولندي احنا نسميهم كاسيكو افريقي انتاج مزارع من غير تحديد البلد ومثل ما قال الاخ في النهايه اسمه كاسيكو وبالتدريب الجيد راح يكون من احسن الطيور....يوم كنى صغار نشوف ناس من الجيران عندهم كاسيكو ويتكلمون بطلاقه واحجامهم كبيره وماكان على رجولهم حجل ولا شي.وانا عندي كاسيكو من غير حجل ومتدرب يجي على اليد ويتكلم وحجمه كلاسيكي مثل مايقولن الاخون ..
والي سوى دعاية الهولندي بعض المربين الكبار الي يتباهون بطيورهم والمتظررين الهواه..

[الكاسيكو]

بالنسبه للحجل فأن شخصيا اضع الحجل من بعد بلوغ الطائر شهرين الموضوع ليس الحجل وانا المشكله في هذه الطيور التي تباع بأسم هولندي وهي طيور صيد مريضه تموت بعد فتره لدى معضم الهواه بصراحه هذا عمل غش وحرام فقد خسرو وقتهم وفلوسهم

[yooyoo]

جزاكم الله خير لك من ابا رائيه بالموضوع

وانا اشوف قبل ما اي احد يشتري الطير يوديه عند طبيب او يكون واحد معاه فاهم انا اشوف والله كذا الافضل لتضمن حقك

وكل الشكر لك من شاركنا بالموضوع

[ابو سفر]

انا اشتري من عندك وهذا رقمي 0561352991
وياليت تنزل صور

[&عاشق الحيوانات&]

السلام عليكم

انا شايف ببغاء بمحل حيوان يقولي انه هولندي بس انا عارف شكل الهولندي عندي بالبيت هولندي وافريقي
والي شفتة افريقي انا ماني جاي اشتري اتفرج وسئلت هذا الببغاء بكم قالي سعر خيالي 2500 قلت هاه كيف الحال ؟؟ ليش السعر غأألي ؟؟ قالي هذا هولندي اصلي هذا يجي نضيف من هولندا قلت اجل هولندي قال ايه ومحجل وانا شفت الحجل ركزت فيه لقيتة بلاستيك مو حجل اصلي وتهاوشت انا وياه اقولة افريقي يقولي هولندي لمين اخر شيء طفشت منه وقلت له دخل يدك عنده اذا كان هولندي عضتة خفيفة هذا ان عض
واذا افريقي عضتة قويه قال لالا هذا شرس هذا عض قلت ايه عارف افريقي وسكت هو وطلعت .....

والله يأخواني صاااير السوووووووق نصاااااااااابييييين الببغاء اسعاره عالية وينصبون يقلون هذا هولندي وهو افريقي
بس فيه واحد اعرفة شاري ببغاء قايل له راعي المحل انه افريقي وشؤاه ب 2200 وجئ وناظرتة وقت له وش نوعة قال افريقي قلت زين

وهو في الحقيقة هولندي خخخخخ وقسم بالله هوولندي حتى محد دخل يده عنده يخافون لانه يعض رحت دخلت يدي انا جئ يبي يعض جئ قعد يلمس اصبعي بلسانة وحكيت راااسة ورقبتة مااقال اي شيء اليييييف ...

السوووق ملياان نصاابين ....

بس الي قهرني الحجل البلاستيكي وقسم بالله كنه اصلي بس بلاستك

واسف لاني طولت عليكم ...........

مع تحياتي.....

[كاسكو حبوب]

شوفوا ياأخوان أنا معاكم في هذه المشكله في نصابين وايد في السوق والدليل الطيور الي تنشري يومين واسبوع وخلاص بعدها يموت شوفوا أنا أعتقد والعلم عند الله أن هاذي لعبه تجار وهو يدرون بهذا الشي انه يسبب مرض بس متعمدين يبون الربح وخلاص وترى هم مايدرون انهم ياكلون في بطونهم حرام والنار تنتظر من ياكل الحرام وترى أي تاجر يسوي هذا الشي مايتوفق والدليل اذا كان عنده كميه جايبها له وشيفها زينه تموت عنده والي باعها للناس يفكرها تعبانه طلع العكس وهاذي حصلت بس التجار يدرون أن المحدد أن على الاقل يكون في القفص الواحد 4 على الاقل اذا كانت منقوله من بلاد ثانيه فليش يجمعون 15 واحد وفروخ في مثل القفص الخشب حالتهم والله حاله الله يكرم القاري كل كاسكو ياكل وصخ الثاني وهذا هو الي يسبب المرض أنا عندي كاسكو شريته من مزارع تفريخ افريقيه شوفوا الي مكتوب عليه وعطوني خبر على فكرة الحجل حديد وفضي والمكتوب هو Mostert J&L 255

وترى الكاسكو من النوع المميز لو ريشه الي على صدرة وراسه وكل أنحاء جسمه قام يقلب الى اللون الأحمر

تحياتي لكم جميعا