مساعده عااااااجله

[sisi_moon]

عاادي التلاصق صار لي مع عيال قطوتي وفكيته بكــــــــل سهوووله

بس انا اللي خلاه سهل ان الحبل السررري كان لسا رطب لان توهم مولودين

بس انت شكل العيال متلاصقين بفضلات الأم مع حبلهم السري .. ؟

جيب قماش وبلله بمووويه داافيه

وامسح امسح بشوووويش

لين يفك شووي شووي

واذا عجزت مافي حل الا المقص دام السالفه فيها حبل سري ..

ابعد مسافه صبعين عن سر القطو الصغيير وقص الحبل

سو معهم كذا

حرام يتمون للحين متلاصقيين بكذا مابيقدرون يزحفون ويرضعون وعظامهم ممكن تتأذى

إلحق عليهم اخووووي

...

ومبروك عليك ولادتهاا ^^

[عايد]

انا وديتهم قبل امس البيطري وفكهم .. لكن لما وديتهم كان فيهم واحد ميّت من زمان هو كان محشور تحتهم

المهم كانو مترابطين بالحبل السري وحتى الدكتور مستغرب انها ما اكلته .. طوّل والله وهو يحاول يقطعه.. وبالأخير طلع 2 منهم مكسره رجولهم .. رجولهم كانت عالقه ولما فكهم من بعض .. لقى رجولهم صايره سوده .. وبترا لهم وقالي مو مشكله بيعيشيون ووصاني على مرهم احطه لهم .. لكن ماطولو وراحو هم بعد 3 ساعات

والله شكله جايتهم عين .. كل من شافها قال امش وشلون جابت 6 الشيرازي ماتجيب الا 3 او 4 بالكثير
مع اني والله مريحهم وحاط في جو دافئ .. وفي غرفه كامله وفاتح للأم عشان تتحرك على راحتها .. وحتى لما يجون يرضعون اشوف اللي مايرضع واقربه من امه .. بس الله يعوّض ان شاءالله

[آنـــــو]

لاحول ولاقوة الا بالله مسااكين قطعوا قلبي .. ماعليه معوض آخوي

ومين قالك هالنوع مايجيب ؟؟ الا يجيب 7 عادي .. قطوتي أصيله آكثر منها أبوها هيملايا بيكي فيس بيور
وجابت من كم شهر 6 مواليد وماتوا كلهم لأن أول ولاده لها

مقدر ومكتوب أخوي والموضوع كان يبيله أهتمام وحرص منك ومراقبه وقت الولاده،، ماعليه المره الجايه أن شاءالله

[عايد]

انا والله ماكنت ادري اصلا متى وقت ولادتها لان راعيها السابق قالي باقي لها شهر تقريبا وانا ماحسبت حسابها .. لكن ان شاءالله بجيب لها ذكر يوسع صدرها بعد والله يحفظ عييلها الباقين

والف الف شكر لك يا آنو .. تعبناك معنا كثير والحمدلله استفدنا منك كثير (F)

[sisi_moon]

يااااربي

اخوي المفروض الحين انت في الولاده الجايه تكون حذر

وكثير ناس تروح عليهم قطاوتهم الصغار بسبب هالحبل السررري .. .!!

دايمااا لما تشوفون الام أهملت الحبل السري وماقطعته

ابعدوا مسافه صبعين وقصووه

واذا ولدت وانت نايم ولا ماتدري .. من اول ماتشوفهم لاتناظرهم وولا تسوي شي .. جيب المقص وفككهم شوي شووي

انا بعد كانوا عيال موني 3 متعلقين في بعض من الحبل السرري والمشيمه بعد بس شوي شوي شلت واحد منهم وقصيت الحبل وسويت مع الثاني والثالث

مره ثانيه خلك حذر أكثر اخووي

واسال عن كل شي قبل لاتولد قطوتك عشان مايموتون عليك

والله الموفق والله يعوضك يارب

[آنـــــو]

وكثير ناس تروح عليهم قطاوتهم الصغار بسبب هالحبل السررري .. .!!

دايمااا لما تشوفون الام أهملت الحبل السري وماقطعته

ابعدوا مسافه صبعين وقصووه

حابه آضيف شي لازم قبل نقطع الحبل ننتظر دقيقتين حتى نسمح برجوع الدم اللي بالحبل
للمولود بعدها مثل ماقالت سي سي مسافة أصبعين ونقص.. هذا في حال آهملته أو سبب مشكله

عايد
العفوو وماسوينا شي

المره الجايه آحرص كل الحرص ماتولد بصندوق الرمل لأن سوتها عندي وعندك ،، يعني كل مره بتسوي نفس الحركه..ومعوض خير