ســــــــــــؤاااال لأهل الدماااااام

[الكلاسيكي]

مرحبا اخوي كيوووت كيفك
اخوي بالنسبه للمحل الي انت تبيه مدري وينه بس بوصوفلك محلات وبيطريه
اول محل في الخبر في العزيزية بنده قريب وكالة لكسزس أي احد اسأله وبيعلمك . هذا بنسبة للخبر.
الدمام :
شوف تعرف شارع الملك سعود وانت جاي من فوق من عند طريق الجبيل تجيك اشارة وعلى يسارك الحياة بلازه الي فيها رامــز تروح سيده كأنك داخل الدمام بتجيك اشارة وكالة تويوتا عدها وكمل سيده بتجيك اشاره لاحظ قبل الاشارة هاذي بشوي بتشوف المحل الي انت تبيه على ايدك اليسار عنده قطط وكثير من الحيوانات والطيور يعني ديور مع الاشارة تحصله ونتبه اذا ما ديورت ورجعت كمل وعد الاشارة بيجيك بنك الرياض على يمينك بعده في محلات زينه للسيارات ومن ضمنهم محلات اثنين بيطرية اختار الي تبي منهم وانصحك المحل الاول للأكسسوارات والمحل الثاني انصحك للعلاجات وانت واختيارك ، وكل المحلات الثلاثه زي منت شايف على شارع واحد بس شي يسار وشي يمين واذا مشيت على الوصف الي عطيتك بتوصل بسرعة البرق واذا ماعرفت وضيعت وانا احسن واحد يوصف كمل سيده بتحصل بنك راجحي لف من عنده يمين وكمل سيده بيتي قريب هينا عشان اضربك لانك مضيع فهمت وارجو اني قدرت البي وافيدك ، وتقبل مرروري ،،