أنا أبغى من كل واحد منكم يكتب أنواع الحيوانات إلي ربَّاها

[smile eye]

أما أنا ربيت : صوص واحد دعسته أختي برجلها بدون ما تدري و مات و الثاني كبر و أخوي وداه مزرعة أبو

صديقه, قطوة شفناها على طوفة البيت و بعدين أخذتها و ربيتها و بعد فترة أبوي شحتها .. يا حرام , بطة لكن كنا

بنسافر و بعدين أبوي وداها مزرعة بيت جيراننا و لما رجعنا من السفر ما رضى يجيبها من المزرعة كنت أحبها

مرة و كانت كل تلحقني , طيور سمان كانوا عندي 4 .. 2 عطيتهم ولد خالتي و نساهم بالحوش و جى قطو و

أكلهم , و بقوا 2 عندي واحد كان مريض ومات و الثاني أخوي المجرم عذبه حطه بالغسالة و شغلها و بعدبن طلعه منها

بس إنكسرت رجله .. مرض و مات , و دجاجة و الديك بس الديك كانوا بيت جيراننا يشتكوا من صياحه و أبوي باعه

و الدجاجة ذبحوها و قمت أبكي عليها .. , و آخر شي هامسترتي الحبيبة قمور كانت أغلى شي بالنسبة لي

لأنها هدية من عند أختي الحبيبة .. بس ماتت قبل أسبوع و الحين أبوي إشترى طيور زيبرا بس قلت له ما أبغاهم

أبغى هامستر لكن ما رضى .. الحين الطيور أخذهم أخوي بيربيهم .. و عن قريب بربي قطوة لأن قطوة أقربائي

حامل و إذا ولدت بيجيبوا لي وحدة .. أنتظر على أحر من الجمر .. و كانوا عندي سمك سابقاً لكن كلهم ماتوا بس من زمان مرة .