تجربتي مع قطوتي

[دبدوبه]

مرحبا
بكتبلكم عن تجبرتي مع قطوتي

من زمان وانا خاطري بقطوه لكن اهلي رافضين وحاولت اقنعهم وما قدرت
مره من المراررير امسكت معي الا ابي قطوه وقمت الف بالمحلات وما شفت ولا قطوه عجبتني
سويت بحث ولقيت هالمنتدى الروعه وقمت سجلت وعن طريق المنتدى شريت القطوه
جبتهالبيت وانا مره مره خايفه من امي وما خليتها تشوفها
وقبل لا اشتريها قريت بالكمنتدى الحاجات المهمه اللي تحتاج له القطوه
اخذت لها الرقم والصحن
صحون الاكل
مشط الاستحمام والمشط العادي
شامبو
فيتامين
واكل

المهم حطيت لها حليب وماي والاكل اللي شريته من المحل
رحت الدوام وانا ميته من الخوف قلت برد البيت بشوفها مرميه بالشارع
ما قدرت اصبر لين ينتهي دوامي فركت بدري وجيت وانا حاطه يدي على قلبي
لقيت البيت كلهم مبسوطين وكلهم يلعبو معاها سالتهم امي شافتها قالوا ايه وقامت تلعب معاها
قلت لهم امي امي قالوا ايه
رحت ادور ابوي الا يولي سويتيها وجبتي قطوه قلت له شفتها قال لا بس سمعت انها حلوه
قلت له يبى ترا القطوه بنت ناس ومطعمه وعندها شهاده وما جبتها الا دكتور بيطري فحصها قال وينها بشوفها وجبتها له وقام يلعب معاها .. انا تنفست الصعداء
مر اليوم الاول بسلام جينا لليوم الثاني
القطوه ما اكلت ولا شي ما غير رايحه راده على الحليب ونسيت ما قلتلكم لما شريتها كان عمرها شهرين واربع ايام
على المغرب القطوه بدت تهجد وصارت خامله
شوي الا وانتو بكرامه قامت ترجع
قلت وي قطوتي شفيها على طول اتصلت للمحل وقال جيبيها الحين ورحت وديتها لهم
قالي يمكن تغيير الجو عليها ويمكن حطيتيها قدام المكيف قلت له لا طبعا انا نمت بالبحر عشان خاطرها المهم قام يسالني وش عطيتيها
قلت له ما اكلت ولا شي بس تشرب الحليب
قال كامل الدسم ولا قليل الدسم
قلت هاه قليل الدسم
قال المراعي قلت مدري نسيت
عرفت شفيها القطوه على طول تدرو شعطيت القطوه
عطيتها حليب ابو قوس المهم نومها عندها ليله واليوم الثاني رحت جبتها
وقالي عطيها جبن اذا صارت ما تاكل
عطيتها الجبن
وطبعا غيرت الحليب جبت لها حليب اطفال طويل الاجل
وشريت لها بعض الاطعمه اللي قريتها بالمنتدى لكن قطوتي ما تاكل
وهزل جسمها
وصارت حالتها حالها
قمت وديتها للدكتور وصار يعطيها ابر فيتامين ومشهي لمدة ثلاث ايام والحمد لله الحين صارت تاكل ورجعت حيويه مثل اول واحسن بعد

وبالاخير حبيت اقولكم شكرررررررررررررا
اولا لاني اصلا حصلت على قطوتي عن طريق المنتدى وما تتصورو هالقطوه كيف ماخذتني من الكل ويكفي اني مبسوووطه مررره
الشي الثاني اني لقيت من يواسيني لما مرضت وشكرا لكم كلكم وسعيده جدا اني انضميت معاكم بهالمنتدى المميز

تحياتي

[نوني..]

دبدوبه حبيبة اللبي :

أول شئ أهنيك على شجاعتك مشاءالله عليك مدري كيف سويتها أنا اخاف من ردة فعل أهلي

ثاني شئ اللللللللللللللللللللللف مبرووووووووووووووووووك على القطوه وعقبال ماتنزين لنا صورتها

وحياااااااااك بمنتداك بين خوانك وخواتك وكلنا لك

الله لايحرمنا من بعض

دمتي بحفظ الرحمن

[sisi_moon]

احلى شي ان اهلك كانت ردة فعلهم عكس اللي توقعتيييه

واكشخ شي ابوج يوم يقول لا بس سمعت انها حلوه ههههها .. الله يخليه لكم

و ألف حمدلله على سلامه قطووتج

ولا تكثرين لها من الحليب عشان مايجيها اسهال

الله يخليها لج

[دبدوبه]

مشكورين يالغاليين على ردودكم وان شاء الله قريب اصور لكم قطوتي وتشوفوها
فديتكم

[ثويمر]

مبروك