رحلتي لمحل بيع الحيوانات بالبحرين ..

[مهدي تاون]

السلام عليكم ورحمة الله وبركاته،،



هذا موضوع بسيط رحلتي لمحل لبيع الحيوانات عندنا بالبحرين .. اتمنى يعجبكم الموضوع الخفيف .. وسامحونا لان الصور مو واضحين مصور بالتلفون



اتفضلوو


هذا المحل من الخارج


اول ما تدخل على يسارك اتحصل "" الراكون ""



بعدين في طوواويس (( ما صورتهم :dde20: ))


وبعدين في هالوحش اللي يهجم يسمونه " نسر "


وعاليمين كان في الكاسيكو


وهالكوكاتو الاليف الرووووعة اللي يتكلم


وهالاثنين المجانين :dn: يغارون من بعض خخخخ






خلصنا من الطيور


وننتقل للكلاب والقطط

اتجدم اشوي واتشوف هالوحش جدامك


وعلى يسارك اتحصل المرقش


وصوبة هالقولدن


وهالريشي المسكين محطوط بالقفص برة يتهوى اشوي


وبعدين اتجيك الصالة المكيفة .. عاد هاذي ما صورت كل شي خخخخ لاني قمت العب معاهم

المهم بالوسط حاطين هالفيران ما ادري الارانب


وصبهم بقفص صغير انحصل ابو العريس ابيض طبعا أليف


وتحت الطاولة انحصل هالقطوة المخشوشة


وهالبيكي فيس المسكينة بشهرها التاسع هههه (( يعني حامل ما باقي لها شي وتولد تعبانه وبطنها منتفخ ))


وجان انحصل هالكيوتات يبون يلعبون معاي

طبعا فتحت الباب وصورت صورة وقمت العب معاهم وانا اصور فيديو


وهالقطوة حشرتها ابروحها


والحين وصلنا لأحلى شي بالمحل كله .. الي اهم الجلاب الصغار .. طبعا اتشوفون القفاصة اشلون .. من زجاج وتقدر تلعب معاهم من فوق الزجاج ... وانا صورت فيديو اكثر شي .. وما اقدر انزلهم بالمنتدى .. المهم هذي بعض الصور



طبعا هذا اهو البولدوق الصغنون .. (( كلهم يناططون يبون احد يلعب معاهم ))


وهذا الهاسكي


وذلين يجننون بعد ريشين كيوت صغار

[Capt.HuSsEiN]

تغطيه رائعه للـ Pets Farm
و صور جميله جداً الله يعطيك الف عافيه
و شكراً جزيلاً اخوي مهدي تاون عالمجهود الحلو
---

[Jameel2006]

تسلم ايدك يامهدي
ويسلم جوالك
على اصطحابك لنا معك في هذه الرحلة
الرائعة وبصراحة المحل روعة واول مرة اعرف عنه
في البداية اعتقدت انه محل العواجي بس
شايف الاسم غير والديكورات بعد غير
وحتى نوعية الحيوانات غير وبصرحة
محل ممتاز وباذن الله اول زيارة للبحرين
راح يكون اول محل افكر في الذهاب له
ويعطيك الف عافية

[صرقوع المصرقع]

أخوي مهدي تاون ..

أول شيء أهنيك على أسلوبك الرائع في التصوير + زاويه إلتقاط الصور ..

لكن لو كانت كاميرا أوضح بيكون شي خياالي جدا ..

أشكرك على موضوعك الشيّق ..

و عندي سؤال يسدح نفسه ..

هالمحل يجنن .. فـ هل أسعاره تعتبر معقوله أو رخيصه أو غاليه ..

وياليت تحط لي توصيفه ..

وين في البحرين وكيف أقدر أوصل له ..

وقريب من إيش ..

.. و تحياتي لك ..

× صرقوع ×

[ابو عابد]

ألف شكر لك على الصور الروووووعـــــــــــــــه

مثل ماقال صرقوع

كم الاسعار ؟؟

[nightdrive9]

سلام عليكم

وصف روااااائع وحيوانات اروع

بس نبي المكان و الاسعار مثل ماقال صرقوع ...........

واهم شي الهيميلايات كم اسعارهم

سلااااااام

[مهدي تاون]

المشاركة الأصلية كتبت بواسطة Capt.HuSsEiN

تغطيه رائعه للـ Pets Farm
و صور جميله جداً الله يعطيك الف عافيه
و شكراً جزيلاً اخوي مهدي تاون عالمجهود الحلو
---

وانت الاروع يا كابتن حسين

الله يعافيك اخوي .. وحياك الله

[مهدي تاون]

المشاركة الأصلية كتبت بواسطة Jameel2006

تسلم ايدك يامهدي
ويسلم جوالك
على اصطحابك لنا معك في هذه الرحلة
الرائعة وبصراحة المحل روعة واول مرة اعرف عنه
في البداية اعتقدت انه محل العواجي بس
شايف الاسم غير والديكورات بعد غير
وحتى نوعية الحيوانات غير وبصرحة
محل ممتاز وباذن الله اول زيارة للبحرين
راح يكون اول محل افكر في الذهاب له
ويعطيك الف عافية

الله يسلمك اخ جميل
بخصوص المحل اي والله رووعة وعندي تغطية ثانية لمحل أروع منه بس للاسف الصور مو كثيرة يعني ما صورت كل شي .. ان شاء الله .. وحياك الله اخوي عندنا بالبحرين وانا راح اخذك للمحلات بس خبرني شتحب من الحيوانات وانا راح اوديك الامكنة
الله يعافيك اخوي

[مهدي تاون]

المشاركة الأصلية كتبت بواسطة صرقوع المصرقع

أخوي مهدي تاون ..
أول شيء أهنيك على أسلوبك الرائع في التصوير + زاويه إلتقاط الصور ..
لكن لو كانت كاميرا أوضح بيكون شي خياالي جدا ..
أشكرك على موضوعك الشيّق ..
و عندي سؤال يسدح نفسه ..
هالمحل يجنن .. فـ هل أسعاره تعتبر معقوله أو رخيصه أو غاليه ..
وياليت تحط لي توصيفه ..
وين في البحرين وكيف أقدر أوصل له ..
وقريب من إيش ..
.. و تحياتي لك ..
× صرقوع ×

هلا والله بالاخ المصرقع
تسلم اخوي بس شسوي مصور بكيمرا التلفون نوكيا 6120 والاهم ان الصور يبينون اشوي يعني اتعرف نوع الحيوان من الصورة خخخ
وهذا الجواب للسؤال المسدوح خخخ .. اي نعم اسعاره معقولة بس مو رخيصة .. لان كل الحيوانات اصلية ومتعلمه وأليفة ,, وللاسف ماصورت الكلاب الكبار ...
والمحل في وين اممممم مو عارف اسم المنطقة بالضبط .. بس تقدر تسأل عن معرض راكان للسيارات ., بعده في محل لبيع ادوات الحيوانات اسمه ( Pets Shop ) أول ما توصل للمحل اسألهم عن البيتس فارم وراح يدلونك عليه لان بعدهم يصير المحل ..
واذا ما دليت وضعت انا موجود .. لا تنساني

[مهدي تاون]

المشاركة الأصلية كتبت بواسطة ابو عابد

ألف شكر لك على الصور الروووووعـــــــــــــــه

مثل ماقال صرقوع

كم الاسعار ؟؟

هلا بيك يا ابو عابد

حاضرين لك وانت الاروع اخوي

وبخصوص الاسعار مثل ما قلت لكم الاسعار معقولة .. وكل شي وله سعره ..

بس يا ابو عابد نسيت اقول لك ان بالمحل عنده افاعي من الشكل الغريب .. عنده هذي الملونة ابيض واحمر .. وعنده الضخمة الصفرا .. وعنده وحدة صغيره كأنها دودة بس طويلة .. بس ما صورتهم ان شاء الله المرة الجاية ..