طلب مساعده في دجاج ..

[صرقوع المصرقع]

بسم الله الرحمن الرحيم

اخواني لو سمحتوا .. عندي إستفسار

انا عندي خمس دجاجات .. من نوعين مختلفين

لكن نسبه البيض قليله جداً .. مع العلم انه دجاج بيّاض

ابيكم تشوفون صورتهم .. و تقولون لي رأيكم فيهم .. وكيف اخلي بيضهم يكثر

لأنهم يبيضون في الاسبوع ثلاث بيضات .. و هم خمس دجاجات وهالشي اشوفه قليل

وهذي الصوره



وانتظركم

[Doon]

صحيح اخي هاذا الدجاج بياض لاكن ربما الديج ما يلقح عدل والله اعلم شوفلك ديج بياض لوول

[جار القمر جاري]

اخوي صرقوع المصرقع السلام عليكم
الدجاج هذة بياض والمفروض اذا ماباض بيضه كل يوم او يوم ويوم يكون فيه شي يمكن سوء تغديه لازم تشكل لهم في الغذاء
1.درة صفراء
2.فول الصويا
3.شعير
4.ملح الطعام او ظهر خثاق. المهم شي فيه ملح عشان قشر البيض (كالسيوم . فسفور)

[صرقوع المصرقع]

أخواني مشكورين عالردود والمساعدهـ ..

بحاول أهتم في الغذاء أكثر

واتمنى المزيد من الآراء

[mazda6]

سلام دجاج حلو مشاءالله تبارك الله ،انصحك تأكلهم كرات،وحتل الشاي،وراح تدعيلي ................

[صرقوع المصرقع]

مشكور أخوي عالـ نصيحه و الإقتراح .. و إن شاء الله أجربها

و أستفيد منها و دجاجي يكثر بيضه ..

.. و تحياتي لك ..

× صرقوع ×

[بو عفره]

اخوي صرقوع المصرقع اسم وايد حلو


وبالنسبه للدجاج هو يبيض بدون ديك لكن اذا الديك معاهم وايد احسن


وما شاء الله عليهن مبينه صحتهم ممتازه جدا

انا اذا ماكنت غلطان ان القفص ضيق عليهم كبره شويه ولا خلهم يتفسحون في البيت او المزرعة شوي



واذا كنت مشتريهم قريب فهذا شي طبيعي ياخذون فتره الين يتعودون على المكان

واهم شي اتحطلهم صندوق صغير اتخشه مكان بعيد عن الدجاج عشان يبيضون فيه واذا المكان هادي جدا يشجعهم على الرقاد على البيض اكثر والتفقيس >>>> اتعرف الدجاج يستحي

[صرقوع المصرقع]

أخوي .. مرره مشكور عالنصيحه والاطلاله .. القفص اللي هم فيه عرضه متر و طوله مترين ..

و فيه اشياء اللي يبيضون فيها و فيه نشاره خشب و اكل و مويه و رمل و كل شي بالعالم

و بمكان هادئ و واسع و متعودين عليه لأني شريتهم و هم صغااااار ..

و شكرا عالنصيحه ..

وان شاء الله بحاول اهتم اكثر فيهم ..

.. و تحياتي لك ..

× صرقوع ×

[صرقوع المصرقع]

يا شباب .. يا جماعه الخير ..

مشكورين و ماتقصرون ..

عملت بنصائحكم ..

واليوم لقيت عندهم ثلاث بيضات من خمس دجاجات فيه تحسّن ملحوظ ..

بشوف إلى يوم الجمعه كيف يرتفع نسبه البيض او ينقص

وبقول لكم .. عشااان تساعدوني في تحسينهم ..

.. و تحياتي ..

× صرقوع ×