لمساعدتكم على اصلاح اخطائكم مع الببغاء

[فتفوته]

اين انت حاطط ببغائك و في اي مكان

في غرفتي الخاصة مكان تواجدي الدائم ,, لان الصالة فيها هدوووء وغرفتي انواع الازعاج تلفزيون وكمبيوتر

كم مرة تجلس مع ببغائك؟؟

على طووول وقتي معاااه

هل انت تحب ببغائك وهل هو ايضا يبادلك الشعور

أكيد احبه فديت قلبه ,, وهو نفس الشي يبادلني بالشعور وبنفس الوقت احس بداخله خايف مني شوي

ما نوع الطعام الدي تقدمه له

بصراحة الوجبات الصبح اعطيه خلطة البيض باللبن مع فتات الخبز او اعطيه سيريلاك قمح مع قطع التمر ,, لانه ما يزال فرخ خمس شهور والدكتور نصحني اعطيه يوميا ’’

وبوقت الغدا رز مع قطعة دجاج او مكرونة اندومي ,, بعد ساعة اعطيه خصروات , بطاطس , بعد فترة على العصر اعطيه شوية فواكه مثلا تفاحة ,, وطبعا مع حبوب دوار الشمس ... واربع حبات لوز

والاكل مااخليه روتيني يعني على حسب مثلا اليوم عطيته بطاطس وتفاح بكرة اعطيه نوع ثاني ,, كوسة او فاصوليا ,, وخوخ .. يعني ما احب انوع له الاكل واعطيه دفعة وحدة راح تتعب معدته ولا وش رايكم بطريقتي اذا فيها شي غلط نبهوني ؟

برضو احيانا اعطيه بسكوت ولا قطعة صغيرة كيكة .. او اخليه يشرب معي شاهي بارد شفطتين بس هههههه


كيف تروض ببغائك و ما طريقة تعليمك له للكلام


بالنسبة للترويض لحد الان قدرت امسح على راسه وجسمه واعطيه الاكل بيدي ,, ولم ابدأ بتدريبه على طلوعه على اليد . لانه ما يطلع من القفص ابد ,, حاولت اسايسه بالعصا احطها تحت رجلينه واكلمه بشويش ما يرضى يطلع صوت شبه جعير على خفيف ,, فما ادري وش الحل معه حتى يطلع من القفص ,,

اما تعليمه الكلام ,, على طول ابربر على راسه بكلمة مرحبا بحيث اني اربطها بالفعل ,, ادخل الغرفة واطق الباب واقولها له ,, واذا منب موجودة بالغرفة اترك الكمبيوتر يرددها بعد تسجيلها بصوتي لفترة معينة ,, وايضا بالليل عند النوم ,,

هذا تقريبا طريقة اهتمامي بـ ببغائي العزيز ..

واي ملاحظة لا تبخلون علي بالنصيحة

وجزاكم الله حيرا