جاركم في قسم الكلاب لديه قط شيرازيه ومتووهق

[dirty luck]

السلام عليكم

يا احلى جيران
شلونك

الله يخليكم تساعدووني الله يخليكم

حصلت قطه من الشارع بردانه مريضه تصرخ اخذتها للمنزل وهي من نوع الشيرازي جميله جدا وكبيره لآكن وصخه بشكل كبير وهي بيضاء الون طبعا المشكله تكره الماي ماني عارف شلون اسبحها وثاني شي كله بجسمها كووور متفخه بالحم مادري شنوو انا خايف اردها للشارع ولا شسوي فيها بجسمها كوور متفخهه مكووره بالشعر غريب ؟؟

امانه ساعدوني

شنو حل الكور هاذي

وشنو حل السباحه

بيطري ما اقدر اوديها ابدا ًًُ ؟


نخيتكم يا جيرااني طالب منكم اول مره طلب لا تردووني فيه

[omar_breast]

الاحسن تردها للشارع عشان ممكن تكون بها عدوي تعديك انت وعيلتك.....

[Toka]

بالنسبة لكور الشعر قصصهم المقص اما الماي حطها بالحمام وغسلها راح تخاف شوي بالس عادي
بالنسبة للمرض لما تلاخظ ان في شي بجلدك مثل بقع حمرا قطها بالشارع ورووح الطبيب بس

[dirty luck]

اختي توكا والله جربت بس اهي تصرخ صراخ وتعض وتشمخ لو انا قصيت ( الكور الشعريه )
و والله من تشوف الحمام تصرخ تصرخ وعيونها تصير حمر ؟ ؟؟ هل يمكن يكون فيها يني عشان لا احذفها من الدريشه لووووول

ساعدووني بلييزز الله يخليكم بسرعه ؟

[dirty luck]

اختي حمدالله قدرت اسبحها والشعر المتشابك مثل الكور هاذا ما يروح اختي قصيت قصيت كله ونزل دم منها مسكينه وايد وطبعا شعرها صار شوي فيه شوي مافي وانا مو قادر اشيل المزيد من هلكتل ؟؟ مادري لو قطيتها الشارع الحين يكون قرأر جيد ؟

[nightdrive9]

sallam

هذي نفس حالة قطوي ... قلة التمشيط تسوي تكتلات الشعر وحلها الوحيد هو الحلاقه عالزيرو بالماكينه .......

انا عطيته ابرة مخدر في العضل وحلقته على رواقه وهداوه وصار اصلع لوووووووووووول

[dirty luck]

لآ بس اخوي راح يخترب شكل القطه وراح تتالم وترا طالع منها دم علعموم انا بمقص شلت وباقي كتله مو عارف اشيلها من كبرها وبصراحه اهي قطه حلوه وانا منوها تحت بالسرداب وانا رايح فوق عنها بطابقين اقوم الصبح ولا الاخت نايمه يمي لوووووووول وتتمقط بعد وتطقني على راسي تقعدني يعني انا قعدت ترا حسباله ما شفتها وتروح تاكل بعدين قمت انا و فتريت فيها بالبيت استانست بعد محاولات شق ملابسي كثيره لوووول لا اتغشمر بس والله خوش قطه انشالله بصورها باقرب وقت

[Dominique]

انت من الكويت صح؟؟

المهم ان اول شي الصبح توديها البيطري علشان يقص الشعر المكور

وفي اغلب الاوقات يمشطها بمشط مسنن ويشيل الكتل كلها

ولو شاف ان الحالة مستعصية راح يعطيها ابرة مخدر ويحلقلها شعرها

وترى مايطول شهر الا تشوفها مثل الخروف وشعرها اقوى واحلى

بس لازم توديها البيطري علشان يعطيها دوا حق الدم اللي طلع منها

الظاهر انت قصيت من لحمها بالغلط

.
.
.

[dirty luck]

والله مشكوووره والله انج خبره و بس حبيت اسال انا حلقتها بروحي بمقص وضبطت الشغل متى بيطلع الشعر

[Withered Rose]

احسن حل تخلي البيطري يحلق الفرو كله و راح يطلع بسرررعه و تتغير و تصير احلا بوااايد .. بس اول شي حط اعلان بفريجكم يمكن اصحابها يدورون عليها مساكين ..
و خل البيطري يقص مخالبها و راح يصير سهل تسبيحها و تنظيفها او انت قصهم اهو نفس مقص مخالب الجلب يستخدم للقطط عادي بس دير بالك قص بس الطرف الحاد و خل الباجي .. اذا قامت تشمخ يعني خايفة مو يعني فيها يني لوول ..


اذا ما حصلت اصحابها و ما تبيها بيعها احسن من لا تطلعها بالشارع و تاخذ فيها اجر لأن على كلامك مو متعوده عالشارع .. موفق انشالله