الوساده

[نسمة عبوود]

الوســـــاده




وماادراك ماا الوساده ؟


الوساده هي اقرب الاشياء الى


افكارنا واكثرها معرفه بأسرارنا ..من منـا مااشتكي جروحه وهمه لـ وسادته ...


اصلا حتى لو مانشتكي هي تسمعنا غصب عنا ..


لو كانت الوساده تتكلم وتعبرعن


مايجول في خواطرنا كان انقلبت الدنيا كوارث ومصايب ..


الوساده اكثر من شاركنا فرحنا


وهمنا واجمل اللحظات واتعسها بحياتنا ...




هل سال على وسادتك في يوم من الايام دمووع قهر ؟


دموع ندم ؟


دموع خوف ؟


دموع شوق وهيام ؟


دموع حزن والام الفراق ؟




ليه الوساده فيها سر عجيب


وجاذبيه للافكار غريبه ؟؟


ليه بس نحط روسنا على وساداتنا تبدا بك مشوار طويل من الافكار ؟؟



تروح عن واقعك شوي اما ذكريات حلوه أو مره او احلام نتمنى تحققها ..


مره تفكر في اهم موقف صار لك خلال يومك ..


مره تفكر في لحظه ندم طولت لسانك فيها على عزيز عليك ...


ومره تفكر في لحظه جرح صابك من حبيب او صديق عزيز ..


ومره تفكر في لحظه غرام تسحبك في قطار الشوق للحبيب ..


ومره تفكر في لحظه ندم ارتكبت فيها معصيه وقلبك مازال ينبض بالخوف من الرحمن ..


ومره تفكر بلحظه قهر واحساس يتبعه لذه الانتقام من شخص او اشخاص ..


ومراات وليست مره واحده تفكر في مستقبلك ومايحمله لك من غموض ومفاجآت ..


وكثيره اللحظات الي بس تحط راسك على الوساده يصيب دماغك غزو افكار ..


راح نعيش هالموضوع بالخيال


تخيلوا معي لو كانت الوساده
تسحب افكارك وتبوح بها للشخص الي يحط راسه عليها من بعدك !!





"فضاااايح بتـصيــر "




او على الاقل تسحب افكارك وتبوح بها لوسادة
الشخص الي يمك !!


يعني تخيلوا وحده اكتشفت عن طريق وسادة زوجها


انه ناوي يتزوج عليها " مصيبه "


او صديق يكتشف ان صديقه مايدانيه ويحش فيه عند باقي الشله


من جد بيصير انواع المشاكل لو هالجماد ينطق ..


والصراحه يا زينه ساكت ...!


وياليت البشر


يسكتون مثله يمكن تقل المشاكل وتقل الكلام والنميمه ...


وترتاح الناس شويه


تخيلوا لو كانت الوساده تحس


وتعرف افكارنا ويكون لها رده فعل على هالافكار ؟؟


شنوو يصير؟


اكيد بتلوع كبدها من ناس كثير وتتعب..


واكيد راح تحن وترحم ناس كثير بللوها بدموع قهرهم وآلآمهم وشقا دنياهم حظ لهم


ويمكن تهج وتحط رجلها من افكار بعض الناس ..


ويمكن تحب وتتمسك في ناس ..


ويمكن تفتخر في وجودها مع ناس ...


ويمكن تفتقد وتشتاق لناس ..


الوساده ياما سمعت انين ناس اتعبهم المرض ..


ياما تبللت بدموع ارامل او مظلومين او اطفال محرومين او يتامى


وياما ارتاحت من دموع التايبين والمتجهين لله ..



مادري هل اقول الحمد لله ان الوساده ماتبوح وتفضح !!


ولا اتمنى انها تفضح وتشرح !!







كم سؤال اتمنى مشاركه وجدانيه منكم ومحاوله الاجابه عليها :


هل تخجل ان وسادتك تقرى افكارك ؟؟؟ وليش ؟؟


متى شكيت لوسادتك عذابك وبللتها بالدمع ؟؟


متى حطيت راسك عليها وانت في قمة سعادتك ؟؟




وكل واحد فيكم يتحمد ربه
أن الوساده ماتتكلم وفوق ذلك متحمله



عجبني وحبيت انقله لكم

[دموع الأسى]

مشكورة على الموضوع الجميل

[هاوي الببغاوات]

موضوع قمه في الروعه

[-= pink =-]

موضــوع جدا رائـع يا نسـومه
وكـل الكلامـ اللي قلتيه صحيح 100% وحلو وواقعي


..

هل تخجل ان وسادتك تقرى افكارك ؟؟؟ وليش ؟؟

لا بالعكس ليش اخجل واهي بالاصل جمـاد

متى شكيت لوسادتك عذابك وبللتها بالدمع ؟؟

والله ما اذكر متى !

متى حطيت راسك عليها وانت في قمة سعادتك ؟؟

أمس
وفي وايـد اوقات

[تفاحه حمرا]

لوول موضوع حلو ...
اشوى انه عندي وسادتين مو وحده بس.. ..

شكلهم يوم اروح انام يقعدون يسولفون عني
وكل وحده تقول للثانيه عن حالتي النفسيه هعهعهعه

مشكورة اختي ع الموضوع الخيالي ...

[نسمة عبوود]

مرسييييييييييي على الردود الحللللللللللللوه

صح الموضوع خيالي بس جاوبوا

وانا عندي تلات وسادات الله أعلم بيتكلموا في ايه عني

هل تخجل ان وسادتك تقرى افكارك ؟؟؟ وليش ؟؟ لا أبدا



متى شكيت لوسادتك عذابك وبللتها بالدمع ؟؟ من أسبوع


متى حطيت راسك عليها وانت في قمة سعادتك ؟؟ اليوم

[عديل الروح]

بداع كلام صحيح

[تفاحه حمرا]

سوري نسيت ارد على الاسألة ..

هل تخجل ان وسادتك تقرى افكارك ؟؟؟ وليش ؟؟

لا,لانه افكاري تكون طبيعية كل انسان يفكر مثلي بنفس الطريقة..ماعندي شي اخجل منه

متى شكيت لوسادتك عذابك وبللتها بالدمع ؟؟

من قبل 4 سنوات

متى حطيت راسك عليها وانت في قمة سعادتك ؟؟

كل يوم

[*(ميدو)*]

مشكورة اختي نسوم على الموضوع

[شمس الوداع]

هل تخجل ان وسادتك تقرى افكارك ؟؟؟ وليش ؟؟

لا والله وليش اخجل..

متى شكيت لوسادتك عذابك وبللتها بالدمع ؟؟

والله ما اذكر متى!!!


متى حطيت راسك عليها وانت في قمة سعادتك ؟؟


كل يووم وكل ليله


ومشكووره نسوومه على الموضووع بصراحه موضوع في قمة الروعه تسلمين ..