سناجبي ماتحبني

[غلا روحي]

السلام عليكم ورحمة الله وبركاته

اسفه على ازعاجكم لكن انا من اسبوع اشتريت سنجابين وتقريبا بعمر 4 شهور..

المهم يحبون ياكلون من ايدي ويلست اسبوع كامل احسس عليهم عشان بس مايخافون مني او يعضوني يوم اشلهم وموفره لهم بيت ينخشون فيه واكل والجو الدفي لانه حاليا برد ..

زمع هذا كله يوم شليت واحد منهم اليوم برا لانه الثاني وايد يخاف ومن افتح القفص ينخش ف بيته.. لعب عادي ف الغرفه ونقز ف كل مكان وحتى علي انا كان ينقز ويقعد على حضني وحتى دخل تحت جاكيتي وانا خفت انه يعضني لانه خفت منه واتحركت وايد بس عدت على خير.. لكن يوم ييت امشكه عشان ارجعه بيته عضني عضه قويه وايد نزل من ايدي الدم صدق صدق اتعور.. زعلت وايد اكثر من العضه لاني كنت مستانسه انه لعب معايه وماكان خايف مني..

شو سبب انه عضني يوم مسكته بيدي ؟ وكم يحتاج للسنجاب عشان يتعود ع صاحبه وكيف اتعامل معاه.. بصراحه انا قريت ملفات الخاصه ف سناجب ولكن مافيها كيفيه اتعامل معاهم عشان يتدرب انه مايعضني ومايخاف مني.. ساعدوني بلييز لانه امي قالت لو عضج مره ثانيه لازم ارجعهم المحل.. وانا ماريد رجعهم لانه احبهم ساعدوني

وجزاكم الله خير

[الاسطورة]

السلام عليكم ورحمة الله وبركاته:

اولاً احب اكون اول واحد يرد عليك ويرحب بمنتديات توزوو وانشاء الله انك بتلقى كل شي تحتاجه عن الحيوانات في هذا المنتدى .

ثانياً ايش نوع السنجاب اللي عندك .

ثالثاً ترى عمره كبير مرررررررره يوم شريته يعني بيتعبك في التعليم والتربية افضل عمر لشراء السنجاب هو شهرين .

واخيراً الله يحيك مره ثانية وانشاء الله قدرت افيدك

[العجيب!!]

المفروض انك شاريته وهو صغير

الحين صعب توليفه بس انتي حاولي

[غلا روحي]

شاكره لكم ردكم علي..

ماكنت اعرف عن موضوع العمر.. بس بحاول معاهم كل يوم لين يتعودون علي.. والله كريم.. لانه جد شكلهم كيوت وحلوين وايد بس عضتهم اتعور ههههه

[شانشيلا ^^]

اش نوع سناجبك ؟؟

يمكن يوم دخل بجاكيتك وتحركتي وخفتي وترتيه

ياليت تورينا صورته

[غلا روحي]

هلا شانشيلا ماعرف كيف انزل الصور.. المهم هو عادي السنجاب الي اتشوفنه ف الغابه لووول امحق وصف

المهم هو عادي بعد ماطلع من جاكيتي لعب معايه تقريبا 5 دقايق وعقب عضني

بس احينه صرت اخاف امسكهم كل ماذكر العضه بس قاعدع احاول اخليهم يطلعون ويدخلون بيتهم ع راحتهم بدون ما اامسكهم بس ااكلهم من ايدي