مرض في الحمام سبب لهم شلل !!!

[صويب الرمش]

السلام عليكم جميعاً



اخواني اتمنى من يعرف وش حل مشكلتي يتفضل بالتعليق...


انا عندي مجموعة من الحمام ...


واسكن في منطقة باردة ...


ولاحظت من فتره ان ثلاث اناثي من حمامي جاهم مرض غريب ...

صار الحمامات ما تقدر تمشي تمام ونافشه على نفسها ... اعطيتهم علاج من مجموعة الامبيسللين ..و لكن لم يحصل اي تحسن ...



اتمنى تفيدوني ...


الأناثي ممكن تودع الملاعب ...

[كيفي قطري]

اخوي انا صادفتني نفس المشله والسبب اني كنت حاط القفص تحت المضله وكانو مايتشمسوون كللش وبعدين نقلتهم مكان ثاني تجيهم الشمس وكل شي تماام

[صويب الرمش]

اشكرك على التعقيب ...



ان شاء يكون هو هذا السبب مع ان الشمس تجيهم والله ... لكن بأحاول ان الشمس تصلخهم صلخ ...هههههههههه

اكرر شكري لك و في انتضار تعقيب البقية ...

[مهدي تاون]

وعليكم السلام

اخوي انت قلتها بنفسك ساكن بمنطقة باردة .. يعني حاول انك اتخليهم بمكان دافيء او غط القفص بأقمشه او اكياس تعزل الهواء البارد عنهم ..

وبخصوص المرض ما ادري والله مو خبير بس اعتقد انها السالمونيلا .. اتأكد من فضلات الطيور اذا كانت طبيعية او على شكل ماي سائل ... لان الجو البارد يسبب للطيور الاسهال .. وتشوفهم جامدين قاعدين على زوايا القفص نافشين الريش ..


بالتوفيق