قصص واقعيه مضحكه

[عاشقة الطيور]

السلام عليكم ورحمة الله وبركاته

قريت هذي القصص في احد المنتديات ..فحبيت انقلها لكم

ولا الضالين ..

موقف ما راح انساه كنت داخل مسجد وقت المغرب ومتأخر والامام يقرا في سورة بعد ما خلص من الفاتحة وكان الميكرفون متعطل المهم دخلت متحمس وبالحق على الصلاة معهم الا وعلى دخلتي اسمع الامام يقول (ضالين) وانا على دخلتي كبرت وقلت آمين .. الا واللي في الصف الاخير ماتوا من الضحك وقطعوا صلاتهم .. وانا احسب الامام في الفاتحه وهو يقرا سورة ثانية .. وسكت الامام شوي وكأن وده يضحك .. واناما علي قاصر ضحكت معهم المضحك اني كنت متحمس

كله من الثلج

تقول كنا في مكة ايام الحج وكانت خيمتنا في مكان مرتفع بعيد عن سيـارات الماء .. ذهب أخوي يجيب (ثلـج) وجاب قطعة كبيرة شايلها فوق كتفه ثم جت ثنتين من خواتي الصغـار بيساعدونه على إنزال الثلج وكان حريص .. بحيث انه لف قطعة الثلج بإحرامه اللي على كتفه حتى ماتثـلـج (تبرد) يدين خواتي المهم خواتي سحبوا إحرامه (السفلي) بدلا من اللي فوق اللي فيه الثلج .. وبسرعة ... طاح الإحرام وطاح الثلج .. وطاحوا أخواتي من الضحك ..

عسى ما نست

مرة زوجتي غيرت الثوب ونقلت أغراضي من الثوب الأول إلى الثوب الجديد .. رحت أصلي الفجر وركبت السيارة وشغلتها وأنا أسوق تذكرت وقلت : عسى ما نست تحط المفاتيح في جيب الثوب ( والمفاتيح كلها بميدالية وحده طبعاً ) !! وأفتش جيوبي والله المشكلة مافيها مفاتيح .. وشلون إذا رجعت افتح الباب !! وانا محتار و أفكر يوم جيت ارجع إلى البيت وأطالع .. وألقى المفاتيح قدامي مشغل بها السيارة ..( والله الذكاء

معرس بألف شوكة وشوكة
واحد تزوج على زوجته ( ومن الحرة اللي فيها )... جت في ليلة عرسه خذت ثيابه اللي بيلبسها ومسحت عليها قشر" برشوم " والبرشوم فاكهة لها اشواك رهيبة وماتنشاف

<<<<<<<<<<<< زين سوت

الشغالـة

اتصلوا علينا المطار قالوا ترى شغالتكم وصلت .. وعلى شان نفتك من تفويض استلام رحت بنفسي أخذ الشغالة ... المهم وصلت المطار وخذت الشغالة بطبيعة الحال معها شنطه فيها ملابسها .. استلمت الشغاله وطلعنا للسيارة فتحت شنطة السيارة على شان تحط شنطتها .. تفاجأت ... أن الشغاله مدت رجلها بتركب في الشنطه قدام العالم .. وانا ما مسكت نفسي ما قلت لها لا قعدت اضحك وما مسكت نفسي وقمت أشر لها على شان تنزل والعالم تضحك .. المهم في الاخير نزلت من الشنطه .. بس بعد ما كل الموجودين جاهم مسيل الدمووع من الضحك ..


وش اللي صار

فيه وحده من القديم تستحي مرة مرة .. ولما تزوجت كانت تستحي حتى تتكلم مع زوجها .. وكانوا الحريم يلومونها على هالحياء الزايد ويقولون لها لازم تحكين مع زوجك و تمزحين معه تدفينه بيدك مثلاً .. وصممت هالمرأة على كسر هالحاجز من الحياء الزايد ... ومرة من المرات هي وزوجها بالسطح يوم جاء الزوج بينزل مع الدرج ألا وهي تسرع وتدفه (تدفعه) وهي تبسم .. تدحرج المسكين وترن ترن مع هالدرج الى ان وصل آخر درجة وهو بعد ما استوعب وش اللي صــــــار …

<<<<<< لو اني بمكانه طلقتها هههههههههه

مطر مفاجئ

وحده يوم عرسها بعد ما خلصت من التجميل والتسريحة .. يوم جت تطلع على الحريم والرزة على المنصة .. شافت بعض (الحمرة) في يدها دخلت تغسل يدها وفتحت الحنفية .. ومـادرت الا والدش يصب على راسها !!
<<<<< قهررررررررر

تحريك جو

فيه وحده تقول في اول ايام زواجي طلب مني زوجي ان افتح له علبة بيبسي .. وبغيت احرك الجو بشي من الفرفشة .. قمت وفتحت العلبة قدام وجهه و… يا للهول طاااااااش البيبسي على وجه وملابسه والجدار .. وانا مع خوفي جتني حاله هستيرية من الضحك وانا اشوف هالموقف ..

تطبيق واقعي
وفيه وحده بعد تقول في الاسبوع الاول من زواجي حلمت اني العب مع اخواني وقام اخوي الصغير واخذ شي من اغراضي وقمت الحقه حتى مسكته وقمت اضربه واصفقه .. يوم توقظت لقيت اني اضرب زوجي !!

نتيجة اللقااااافه
فتاة قد تعودت هي وأخوتها إذا مـر أحدهم بجانب الثاني مـد رجله ليسقطه على الأرض ،،، فلما تزوجت وفي -الأسبوع الأول - من الزواج وحين نهض الزوج من وجبة الغداء لغسل يديه مــدت الفتاة رجلها - كالعادة - فسقط الزوج وكسرت ذراعــه واما الفتاة من شدة خجلـها من الموقف ذهبت لأهلهـا !!!!!

دايماً تصيــــر
وهذي سالفة أمي قامت تلبس شرشف الصلاة تبي تصلي وفجأه رن التلفون ورفعت السماعه وبدل ماتقول ألو قالت الله أكبر هههههههههه وبصراحه عجزت تتكلم ورمت السماعه وطاحت من الضحك ........

منقول

[NIGERMAN]

مشكوره علي القصص

[سعود14]

هههههه مشكور على القصص الروعه

وننتضر جديدك

[قطرررررررررررري]

شكرا على القصص الحلوه وعلى الموضوع
ـــــــــــــــــــــــــــــــــــــــــــــــــــــــــــــــــــــــــ

[مهدي]

مشكور والله موتني من الضحك رغم اني فاتح net ومتنرفز انتضر في اعلان نتائج الباكالوريا مشكور

[الماااسة]

شكرا على القصص الحلوهـ
وتحياااتي

[امنة]

شكرا.

[نسمة عبوود]

[url=http://www.pusup.com][/url على الموضوع ا

[BEBO 14]

ههههههههههههه

مشكور يا اخت عاشئه...

[@$%rory%$@]

ههههههههه والله مواقف
انا موقف ختير صارلي يوم جا السواق ياخذني من المدرسه وماما قاعده ورا وانا مبسوطه ومتحمسه يوم جيت اركب ضربت راسي بحد السياره من فوق يالله يا انا استحيت طاح وجهي
0000000000000000000000000000000000000000000000000000000000000000000

مره طلعت مع صديقتي من المدرسه ونستنا سياراتنا المهم مدري الا صديقتي تقولي يلا باي جا ابوي واشوفها تمشي لما شاب وانا الحق وراها اقولها مو هذا ابوكي وهي سريعه ما سمعتني ومسكت يده وراحت هي وياه وانا افكر مين هذا مو اخوها ولا خالها ولا ابوها لاني اعرف اشكالهم قلت يمكني عميا مانتبهت وطنشت ووقفت اتفرج استنا سيارتنا ومدري الا صديقتي واقفه جنبي وتكمل السالفه مهويه البنت قلتلها وش جابك ليه مارحتي البيت سكتت شوي قالتلي طلع مو ابوي قلتلها احلفي ماتشوفينه شاب يعني قالت مانتبهت سالتها كيف عرفتي تقول عنده نفس السياره بس لونها يختلف ومافيها ميداليه الزينه من قدام <<<<<<<يعني الدقه كيف ولا انتبهت للوجه خخخخخخخخخخخ
تقول وهي طول الطريق ماسكه يده ولما وصلت للسياره وتناظر وجهه تترك يده وتروح وهو مبسوط على الاخير تقول اشوا اني ماركبت هههه عاد الولد شكله جاي يبي يعاكس متعطر حتى يدها تفوح ريحت عطره تقول متروش عطر بس من الصدمه والوناسه انو جته وحده رمت نفسها عليه بدون مايتعب نفسه ساكت طول الطريق هههههههههههههه والله مت عليها ضحك ذاك اليوم
0000000000000000000000000000000000000000000000000000000000000000
شكلي كتبت كثير اجل اوقف ولما اتذكر شي برجع بعدين