اشترك في نشرتنا البريدية ليصلك كل جديد

المحترم · 19-08-2007, 08:44 AM

السلام عليكم
أخوني ذهبت لأحد محلات البراويز وطلبت من يعملي حوض مقاسة 1.5م عرض وإرتفاع1م وعمق 40سم وسمك الزجاج (12) وقالي ان الزجاج صيني أصلي ويركب على الحواف ستيل قوي بدون خشب مع إضافت ((طبة)) وهي أداة إخراج الماء من اسفل الحوض
سؤال هو هل يسواء 600ريال سعودي مع العلم ان سعر متر الزجاج الخام 90ريال سعودي
ولكم فائق إحترامي

Lonely Hunter · 19-08-2007, 09:08 AM

امم

حوض بهالمقاسات لازم تكون صناعته دقيقه و قويه

لان بيصير في ضغط قوي من الماء اللي داخل

اقتباس:

إضافت ((طبة)) وهي أداة إخراج الماء من اسفل الحوض

مادري شنو قصدك بالبطهبس اذا كانت مثل اللي في بالي فانصحك انك تلغيها

عمل فتحه بالزجاج ممكن ان يضعف مقاومته

فليش اتخاطر اذا كنت تقدر اطلع الماء بطريقه سهله (هوز و اخره كرة ضغط لسحب الماء)

اما عن السعر... على ماعتقد ان عندنا (بالكويت) حوض بمثل هالمقاسات بسعر مقارب له
و معاه طاوله و صناعته مضمونه و شكله حلو

فاذا كان عندكم بالسعوديه حوض بنفس المواصفات و سعر قريب من سعر حوضك اللي بتسويه

انصحك تاخذه

و على فكره ... الزجاج اللي بتسوي منه الحوض لازم يكون نوعيته جيده و يتحمل الضغط القوي

و ماينكسر بسرعه .. و احسن زجاج تقدر اتحطه اهو نفس الزجاج اللي يحطونه للسيارات (ناسي اسمه) على شان اذا انكسر ... ماينسكر الزجاج كله و يبهدل بيتكم

انتظر شوي و و ان شاء الله واحد اخبر مني بصناعة الاحواض يرد عليك بجواب شافي

المحترم · 19-08-2007, 09:14 AM

يعطيك العافية أخوي((Lonely Hunter
وننتظر إبداعك))

Mr. MeMo · 19-08-2007, 10:02 AM

الله يعطيك العافيه

يا لونلي هانتر على افاده الاخوان

بالطبع الاخ لونلي ما قصر من ناحيه المعلومات
و انا اشوف كلامه صحيح و لا غبار عليه

و بخصوص نوعيه الزجاج هي ( سوكريت )

و اتمنى التوفيق لك اخي المحترم