طيوري الدره والكوكتيل ..

[Nanoo]

يعطيك العافيه افوكادو صراحه كفيت ووفيت نصايح بحطها نصب عيني ماكنت ادري انه لازم دافي بس من شهر صرت اقدمه دافي والحمدلله بعد ماقريت انه لازم يكون دافي ان شاء الله احاول اروح لسوق الحمام على انه بعيد عني بس ربي ييسر
ومشكور مره ثانيه على تجاوبك لتساؤلاتي واستفساراتي
بالنسبه للاخ الكريم مجنون فلته انا حاولت كذا مره افطمه ومو راضي كنت اعطيه مرتين سيريلاك اول مااصحى وقبل ماانام وباقي الوقت احط عنده اكل ويتركه مايقرب منه واحاول اذوقه ومايعجبه او ياكل خفيف مره وماييأس يجلس جوعان لين يجي وقت السيريلاك وهكذا وهالشي اثر على صحته وذبل وصار نحيف مره الله يهديه معند وقتها خفت عليه ورجعته للسيريلاك قريت انه مو زين اجبره على الفطام وكمان قريت ان الببغاءات تفطم على عمر 6 الى 8 شهور
اما اللحين الحمدلله لمن يشوف الكوكتيل ماشاء الله بدى يفطم ومو معتمد ع السيريلاك يحب ياكل اي شي لدرجه احيانا يرفض السيريلاك
صار يسوي مثله وياكل والحمدلله بدى يحب ياكل الرز لمن اسوي لهم وياكل الخيار وبسكوت شاي في ماء وبيض مسلوق بالبقسماد
واما الحبوب على خفيف مره اما بالنسبه للذره مو حابينها ولا ياكلونها كذا مره اسويها لهم واحطها عندهم ولا يقربون منها اليوم سويت لهم سندوتش في ماء ولا اكلوها ماعجبتهم
هو ان شاء الله بيفطم عمره وانا ماني مستعجله عليه مسكين تتعب نفسيته وشكرا ع النصيحه