استعادة ثقة قطي

[G-dragon]

السلام عليكم ورحمة الله وبركاته
امس فطي تسلق الشجره الي في بيتنا وكان شوي وبيطلع الشار وجا اخوي ونزله
وصعد مره ثانيه ونزلنا ودهلته داخل علشان ما يهرب من البيت وصعد مره ثالثه
عاد انا عصبت وجا في بالي اما بيروح وماراح يرجع وخفت وبلحظه غضب حبسته في غرفتي لمدت دقيقتين تقريبا وفتحت الباب له وشفته نايم يم الباب
ومن بعدها خلاص ما يبين ولا يبي يشوفنل
من قبل اذا ناديته بأسمه غلى طول يجي بس الحين صار ما يلتفت حتى بس امي اذا نادته يروح لها واحسه صار ينام واجد بس اذا لعبناه يلعب واحس نفسيته تغيرت
انا من صرخت عليه وحبسته شوي واهو كذا وانا معورني قلبي ع الي سويته وكيف اهو الحين كرهني
اهو عمره تقريبا 6 شهورد
انا بس البي اعرف كيف ارجعه مثل قبل واخليه يثق فيني

[فاتـــو]

شوف هو الموضوع مو هين خصوصا انت تحرمه من شيء طبيعي والحبس برضو مو تصرف صح

وش فيها لو تسلق الشجر ولا تخاف ماراح يطلع الشارع مادام يلاقي عندك الاكل والنوم

هو يطلع يلعب ويرجع ... اترك عنك القلق واتركه عل راحته وهو مع الوقت بيرجع مثل قبل

عطه حريته وطبيعته ورح يصير تمام

[G-dragon]

انا عرفت ليش يسوي كذا اهو يشوف قطاو صعد وبعدين صعد وراه وشكله عجبته السالفه بس اهو اذا صهد ما يعرف ينظل المكان مرتفع وخايفه عليه من القطاوه الي في الشارع لان من كم يوم في قطو ضربه وخفت اذا صعد يتضارب معاه
وبعدين اذا طلع احاف يجي وعنده براغيث من قطاوة الشوارع
اهو اذا بيصعد يركب الشجره وبعدين يصعد فوق مظله كبيره عندنا ويصعد قوق الجدار وما يعرف بنزل ف يجي اخوي بجيب سلم وينزله
انا شلت المظله علشان ما يصعد الجدار

[فاتـــو]

انا عطيتك السبب والعلاج

لانك مهتم بنفسيته وانا اشوف مادام القط بصحة وعافية وعنده مكان ينام فيه وياكل ماعليه خوف

وربك الحافظ