هل في حل ولا افقد الامل ؟ تبول خارج الليتر

[fatemah]

هل القط يتبول او يرش؟ الرش هو بالاسطح العامودية (زي الجدران) اما التبول في السطح الأفقية (زي الارض والسرير)

الرش غالبا تكون مشكلة هرمونية لكن بما ان قطك مخصى فما اعتقد تقصدين الرش

اما التبول خارج الليتر بوكس فله أسباب كثير:

١.مشكلة صحية: زي التهاب في المسالك البولية - احتباس البول - داء السكري...الخ

٢.مشكلة نفسية: اذا القط كان مصاب بالتوتر لسبب ما مثل تغيير مفاجيء في حياته مثل قدوم قط جديد أو تعرضه لصدمة..الخ

٣.مشكلة في الليتر بوكس نفسه: اذا التراب ما يمسك الريحة زين أو ما يتنظف يومياً أو ملمسه مو عاجبة أو مكانه..الخ


أول حاجة لازم تعرفين إذا عنده مشكلة طبية وهذا عن طريق عمل فحص للبول عند العيادة البيطرية وفحص للسكر والكلام مع الطبيب البيطري عن الامراض اللي ممكن تسبب هذي المشكلة.

إذا طلع القط سليم تنتقلين للإحتمال الثاني، هل القط يتعرض لضغوط نفسية؟ هل تمت إضافة قط جديد أو طفل جديد للعائلة؟ هل فيه شخص يضايق القط؟ انتي تعرفين قطك كويس فإنتي الوحيدة اللي بتعرفين المشكلة وبتعرفين حلها، حاولي تعطينه اهتمام، لا تحملينه اذا هو ما يحب، لا تروشينه (القطط ما تحتاج للتحميم وتقدر تنظف نفسها بنفسها، التحميم يسبب لهم توتر شديد) لعبيه كثير بالخيوط وكور القصدير أو أي العاب متوفرة عندك، واستخدمي عشب الكات نيب (نعناع القط: عشبة يحبونها القطط كثير وتهديهم) وسوي معاه النشاطات اللي يستمتع فيها زي التمشي بالحديقة

وبالنهاية جربي تسوين تعديلات بالليتر بوكس نفسه، انتي ذكرتي ان عندك قطتين، معناته يحتاجون على الاقل بوكسين، جربي غيري مكان الليتر بوكس وجربي نوعية جديدة من التراب، نظفيه يوميا، واذا البوكس قديم حاولي تغيرينه لأن مع التمخيش تعلق الريحة بالبوكس فما يتقبل القط يستخدمه، القطط حيوانات نظيفه وتحب تستخدم حمام نظيف زي الانسان ما يحب يدخل حمام فيه ريحه او وسخ، واذا البوكس صغير جيبي اكبر. يعني جربي اللي تقدرين عليه

واهم شيء نظفي الاماكن اللي تبول فيها قطك كويس، لأن لما القط يشم ريحة بوله في السرير راح يستمر يتبول فيه لأن ريحته فيه. احيانا احنا ننظف كويس ونحس ان الريحة راحت لكن حاسة الشم عند القطط اضعاف حاسة شم الإنسان فممكن قطك لسه يشم الريحة. فيه طرق كثيرة للتخلص من رائحة بول القط مثلاً بالبيكينج باودر والخل، وأيضاً فيه بخاخات ومنظفات خاصة لبول القطط إذا توفرت عندك بيكون كويس، إذا ما توفرت مو مشكلة فيه طرق أخرى ابحثي بالانترنت خصوصاً بالانجليزي بتلقين كثير
بالتوفيق