ســــــؤال وجـــــواب من اعداد {رابطة محبي الدره}

[لمســة خيـــال]

الســـــــــــــــــــــؤال
عندي مشكلة ابي لها حل مع المتو :

1 الطائر مالي دايما ايعضني و هذيك المرة عضاني عضة محترمة سوالي جرح صغير و اسبوعين
وهذا الجرح ماراح

2 وهو صغير يعني متوسط وما أدري اذا هو بنت او ولد

3 و ماياكل اي شي اعطيه الا بذور دوار الشمس

المشكلة اللي اتخليني احرج ان هو دائما ايحرج و لازم يطلع بره القفص وانا قلبي مايطاوعني
ان انخليه داخل القفص فا أخليه دائما برة القفص و احيانا اخليه داخل القفص

الجــــــــــــــــــــواب

اخوي بالنسبه لطيريك يباله ترويض

وبالمنتدى موجود عدة مواضيع عن كيفية ترويض الطيور


اما العض ما تقدر تقول شي معروف الدرة المطوقة (الببغاء الي بالصوره الشخصية)
درجة اولى بالعض

لكن مع الترويض راح يوقف عض


وبالنسبه للاكل

انت امنع عنه الاكل لمدة يوم كامل

وبعدين حط له تفاح او جزر او خس


التفاح مره يموتون عليه


وان شاء الله راح ياكله


الســـــــــــــــــــــؤال

انا عندي ببغاء الدرة المطوقة و ممكن اتساعدوني ترى هو ابدا مايتكلم و يعض بسرعة فكيف
اخليه يتكلم و ماايعض و اخليه يركب ع صبعي ممكن اتساعدوني



الجــــــــــــــــــــواب

بالبداية حاول تبدا توكله بيدك

امنع عنه الاكل مده طويل

وبعدين البس قفاز (تفادي للعضات)

وحط الاكل فيه

ومد يد له داخل القفص او خارجه

بس افضل داخل القفص عشان ما يكون فيه مساحه يقدر يبعد عن يدك


وبعد ما يتعود على الاكل من يدك


ابدا ابعد يدك عنه وحط الثاني قريب منه وحك صدر شوي شوي

عشان يصعد عليها عشان ياكل


وبعد ما تدربه

يرقى على ايدك تقدر تدرب على الكلام

والافضل يكون بغرفة مظلمة

وتكون انت والدرة لحالكم محد معاك ومافيه اصوات

وتبدى تردد عليه الكلمه بصوت واضح وهادي

ويفضل تكون الكلمة صغير من ثلاث حروف اربعه


وان شاء الله تنجح معاك واي شي ثاني حاضرين


الســـــــــــــــــــــؤال

اخواني بغيت استفسر اذا كان البخور يضر في البغبغاء ((الدره)) ولالا..؟؟

الجــــــــــــــــــــواب

اي نوع من الأدخنة يضر الطيور ويؤثر على الجهاز التنفسي للطيور
وكذلك العطورات والمنظفات والملطفات


الســـــــــــــــــــــؤال

السؤال : الدرة الموجود عندي لم تقترب من رجلي تصغر عينه كأنه بتعض لكن هي ما تعض بعد
هذا تنزل بطنه (أذا صح التعبير) وتمد رقبته تفتح أجنحته بشكل بسيط (كأنه شاحط جسمه)
بعد هذا تحرك رقبته بشكل ملتوي (طلع الأكل) تبي تأكل أصابع رجالي وتقوله (أوه أوه ..)
أبي تفسير الله يرضى عليكم ما توقع أنهي مريضه لكن مرت على رجايل البيت كلهم وتسوي نفس الحركة ..
هل هذي حركة خاص بدره أم خاصة لجميع الطيور أم هي خاصة (به) ؟؟؟؟


الجــــــــــــــــــــواب

ا تقلق يا اخوي انا الافريقي اول ما سواها قلت ذا الحركه قلت يبي يموت يرجع الاكل و يحطه بيدي


بس اكتشفت انه ما يسوي ذي الحركه الا معي .... اما مع اخواني ما يسويها ...
دقيت على واحد عنده افريقي من 15 سنه وقالي لا تخاف ... الطيري يطعم ...؟؟؟؟

وشلون يطعم قال مثل ما يطعم عياله ...؟؟؟ يعني ان الطير والف عليك بشكل مجنون وفي ذي الحاله
اذا سواها قدام اهل السوق يطيح سعره على طول و السبب يقولون ان الطير موالف على راعيه ولا راح يوالف على احد ثاني


هذا هو السبب اذا سوى الطير ذي الحركه معناه ان الطير صار مايبي الا انت والف عليك و تعود عليك

بس لا اكثر ولا اقل
مع تمنياتي للجميه بالتوفيق


الســـــــــــــــــــــؤال


ليه كثير من الي بالمنتدى يسمون الدرة الهنديه متو او...الخ...؟!!

هل له علاقه علمية...


الجــــــــــــــــــــواب

اعتقد اخي الكريم ان الاسم يرجع الى احدى الدول الاسيوية في التسمية او
الى الاهل القدامى طبعا فنحن ما ان خلقنا الا وسمعناهم ينادونها بهذا الاسم ولا
اعتقد انه له علاقة علمية ولكن اعتقد انه ارتبط معها هذا الاسم منذ القدم فقط لسهولة حفظها له

هذا والله اعلم

[لمســة خيـــال]

الســـــــــــــــــــــؤال
هل ممكن اقطع طرف منقار درتي بمقص الاظافر ؟
بعدين ابرده بالمبرد وانعمه ،ام هناك خطوره؟؟؟


الجــــــــــــــــــــواب

مافي داعي تقطعين المنقار الحاد لانه يمكن تسببين له إعاقة وتعبينه وقت ا
لأكل والبغبغاوات تستخدم منقارها القوي كرجل ثالثة عشان تتنقل متتسلق من مكان الى مكان آخر

انصحك انك تخلي في القفص حجر قطعه صغيرة تباع في الاسواق اللي يحفون به السكين
وهو ابروحه يعرف ويحافظ على منقارة ويحكه وقت الحاجه

هذا وجهة نظري

الســـــــــــــــــــــؤال


ابي اعرف شلون اخلي ريش درتي يكون لونه اخضر زاهي !!!
اقصد ان في بعض المتو يكون لونهم زااااااهي وبعضهم باهت هل في طريقة او نوع اكل معين يفيد
؟؟؟؟؟؟
الجــــــــــــــــــــواب
شوووف يا أخ متوتان اول شي ريش الدرة هو مثل شعر الانسان يحتاج عناية عشان تخليه زاهي
اول شي حط في بالك ان الببغاء حاله من حال الطيور الثانية أنه يغير ريشه كل سنه مرة وحده
ويحتاج مده لين ينمو له ريش جديد ويغير يمكن ياخذ من شهرين إلى خمس أشهر و بعدين عشان تخليه
زاهي حاول أنك تغذية بالفيتمامينات المفيدة من الفواكة مثل التفاح و الكمثرة و بعد لاتنسى الخضار
عليك بالفلفل الاخضر البارد و بعد حط له في سقاية الماي شوي عسل كل يومين او ذوب له تمره عشان يحصل
على الفيتامينات اللازمةلان يحتوي على الحديد و بعدين راح تحتاج حق فيتماين خاص للطيور بتلاقية في محلات
الطيور الخاصة أعتقد اسمه فيتامين رقم 3 أو أسأل راعي المحل عن فيتامين للطيور وراح يساعدك بعد أرجوو أني
قدرت أفيدك و بعد أنتظر أجابات الاعضاء بعد إن شاء الله راح ينفعونك ببعض الاقتراحات ...^^و بشــرنا عن ببغائــك

الســـــــــــــــــــــؤال

معرفة عمر الدره؟؟؟


الجــــــــــــــــــــواب

0_6 لون العين اسود

6_سنه ونص اسود مع كحلي ازرق فاتح

ابيض واسود سنتين وفووق ويصلح للتكاااااااااثر

لكن في اغلب انواع الببغاوات يصعب تحديد العمر بعد مرور
السنتين

وبخصوص الدره حسب حد علمي فان الطوق الاسود الذي
بالرقبه هو العامل المساعد في معرفه العمر

فاذا اكتمل هذا الطوق تكون الدره قد بلغت 18 شهر

اما بعد ذلك يصعب تحديد العمر
الســـــــــــــــــــــؤال


درتي لاتاكل الفلفل والحب الشمسي والفول السوداني؟؟
وانا اريدها ان تسمن وان اهتم بغذائها؟؟؟

الجــــــــــــــــــــواب
اولاً الفلفل ليس له علاقة بالكلام ، واذا نريد البغبغاء يتكلم ويغرد علينا بمثابرة التدريب

لانه الفلفل فائدتة هي تنشيط الدورة الدموية ويقتل البكتريا الضارة بأمعاء الطائر

انا تجربتي مع الدرة ما شاء الله عليها تهف الاولي والتالي

حاولي ترفعين إناء الحب (الأكل المفضل) وقدمي له تعويض كالأرز المطبوخ والبطاطا والجزر والخيار

والتفاح إختصاراً البوقوليات والفاكه والخضار ويتم غسلها جيداً

ملاحظة: الدرة ليست كالأمزون حجمة وجسمه سمين فخلي بالك حجم الدرة يكون اقل من ناحية السمانة فلاحظي تبرز
الطير يكون صلب وعدم خمول الطير ودايم نافش ريشة ويكون حركي في القفص هذا اهم شي ولاتركزين على سمانة الطير
وكل طير على حسب حجمه
(السمنه مرض خطير )

بالتوفيق
الســـــــــــــــــــــؤال

ركبت حجل للبغبغاء الدره ومن يومها رافع رجله ومايضغط عليها؟رغم ان الحجل غير ضيق ومناسب؟؟


الجــــــــــــــــــــواب
الحلقة ياخوي واللي نطلق عليها (الحجل) بمعنى تحجيل الطيور

اولاً هي الفائدة الأولى يكون منقوش في الحلق هذا تاريخ الفقص و جنس الطير ومكان الفقص

وفي بعض الناس تكتب الإسم والرقم او العنوان عشان لو لاسمح الله طار الطير ويلاقيه ولد حلال مثلك يستطيع يرده ابكل سهوله


حالياً إنت شنو المغزى بالظبط يوم فكرت تركب الحلقه

مثلاً هل كتبت على الحلق عنوانك ؟ او تاريخ الشراء وإسم الطير عشان يكون ذكرى ؟

عزيزي اللي اريد اوصله لك ان مافي داعي تضايق الطير ولاتخاف هو مو مضر للطير ولا شي مجرد
ان راح يتعود عليه وخلاص ، يمكن تشوفة يعضض فيها او يحاول خلعها ولكن مع مرور الأيام ان شاء الله
راح يتأقلم مع الحلق لانه شي جديد عليه وعلى رجله

واحب اوضح لك نقطة انك لاتصرف بدون شور البيطري ، إنت قلت إنك دهنت رجل الطير بـــــ(فيكس)
فالأدوية اللي تخص الانسان تختلف غير اللي تخص الطيور والحيوانات ولكن في ادوية مشتركة بين الانسان
والطير ولكن كنصيحة لاتتصرف بدون استشارة البيطري لانه يمكن لاسمح الله تسبب له اعراض جلدية ويكون بدال انك
تخفف ضيق الحلق تسبب له حساسية او ماشابه من ذالك

بخصوص رفع الطير رجله
فهذا جداً طبيعي في الطيور بعض الاحيان وقت النوم تراها تقف برجل وحده لمدة ساعات كثيرة سبحان الله ،
وبعض الاحيان يكون رافع رجله وقت هدوئه وسترخائه يعني يكون بدون نوم


آخر كلامي اقول انت خله كم يوم واذا صار الطير يضايق من الحلق بستمرار رجعه للبيطري وخلع الحلق ريح الطير فهذا رايي لك

والحمد لله رب العالمين

كاسكو البحرين


الســـــــــــــــــــــؤال

الدره دائمة الصراخ وخصوصاً لما تسمع صوتي؟؟؟ماهو السبب؟؟

الجــــــــــــــــــــواب
كم من المدة صار عندك الدرة ؟

اول شي اتركي الطير وخلي ارتفاع على الارض يكون مترين ونص بدون تغير المكان

الصراخ علامة الخوف

وفي صراخ احياناً الطيور تعبر بفرحتها ولكن بالصوت الطبيعي اللي دايماً ما نسمعه في الطبيعة

يعني تعبير او لفت انتباه

محاولة الجلوس اكبر وقت ممكن في هي الفترة مهم جداً

ابعدي عن الاطفال

خلي المكان هادئ حالياً بدون اي ازعاج

خلي مرآة في القفص تكون معلقه جيداً وفي الأطراف غير حادة وتكون حجمها يقدر يشاهد الطير جسمه بالكامل

طبقي هالاشيااء وان شاء الله خير

تحيتي لك ولي الطير

الســـــــــــــــــــــؤال

مشكلتي مع الدره انها دخلت قفص التزاوج ولم تطلع لها يومين ولاادري ماهي مشكلتها؟؟


الجــــــــــــــــــــواب

مسامحه السؤال اشوي مو واضح

بس اللي فهمتة انه الدرة دخلت صندوق الموجود بالقفص على ماعتقد

وان كان هذا المفهوم

فأنا اقول لك دام دخلت في الصندوق عيل ابشر بالخير

وحده من الثنتين

اما سوف تبيض وتفرخ لك زغاليل حلوين

او اما يكون راكده على البيض وانت استعد لستقبال الفروخ

وانا اقترح عليك انك تفتح الصندوق وتتأكد يمكن في امر غير والله اعلم

على العموم هذا مجرد إعتقاد وياريت من الاخوان التعليق على الموضوع للمساعدة الأخ كاتب الموضوع

تحيتي لك اخوي وان شاء الله خير يكون أمرك يارب