روت ولر

[k-9]

انا من اللي جربو وراح اجاوبك وحده وحده
1 - نعم انصحك تربي كلب الروت وايلر لانه من افضل الكلاب للحراسه
2 - با لنسبه للغدر فهذا كلام فاضي اللي يقولك كلبه غدر فيه اساله عن السبب شوف هو ايش مسويله ممكن يكون يضربه من غير اي سبب او ان طريقة تدريبه غلط
3 - اما من ناحية المعامله فهو نعم يحتاج الى معامله خاصه لان الروت كلب يسمى ONE MASTER DOG يعني صاحب واحد يرعاه ويهتم فيه بس مو معناه انك تبعده عن الناس واذا كان الكلب بعده صغير انصحك تخليه يلعب مع ا اهلك وخوانك الصغار وتولد بينه وبينهم الحب لانه اذا كبر وماكان يعرف اخوانك راح ايذيهم وياذي اي واحد يدخل البيت لذا انتبه تاخذ كلب روت كبير وتقول بدربه لانه صعب تنسيه الماضي اللي مخزن في راسه
4 - موعد الطعام انا ما انصحك تتاخر عليه ومثال على ذللك انت الحين لما تجوع اتعصب ولا لك خلق على شي الين تاكل وعقب تروق صح؟ هذا الكلب من النوع اللي يحب الاكل واجد بس ما راح ياذيك لو ما اكلته بس مزاجه راح يتغير شوي
5 - نصيحه اخيره الروت وايلر كلب حساس جدا تجاه جسمه يعني ما يحب احد يلمس جسمه الا مدربه واللي يحبهم لذا مجرد انك تلمس جسمه وهو ما يحبك او ما يعرفك راح تلقه منه عضه مراح تتمناها لعدوك ايضا وقت الاكل لاتحاول تزعج الكلب خله ياكل على راحته ولاتحاول تاخذ صحن الاكل الين الكلب يبتعد عنه وانشالله باتاوفيق اخوي خلك من كلام الناس ان الكلب قدار