آستفسارات (مربية جديدة)

[lilycat]

الله يسعدكم يارب
شكراً شكراً لكل حرف كتبتوه
جلست أقرأ كل رد فوق الخمس مرات و أخذ ملاحظات
ماشاء الله ماقصرتوا
الله يرزقكم من أوسع أبوابه

***

بالنسبة للقشور جيت أصورها ماحصلتها
ماشاء الله طالع شعر جديد
بس شوفوا يمكن تكون واضحة هنا


***

بالنسبة للأكل صرت أنوع لها
بيض مسلوق و أحط مع قطرتين زيت زيتون
جبن سائل
دجاج مسلوق
دجاج مسلوق وخضار مهروسة
شوفان و زبادي و جبنة
وماشاء الله تمام معها مع إنها تعذبني في الخضار بصعوبة تاكلهم

جربت شوفان مطبوخ مع جبن و جزر مهروس و دجاج (جلست تستفرغه زي ماهو )

الرويال كانين اللي وصفه لها الدكتور هذا هو


أحطه لها بالليل لما أنام و العصر اذا كنت خآرجة

***

بالنسبة للتنظيف هذي مشكلتي معها
مدري هي أمها ماعلمتها و لا اش وضعها
في صندوق اللتربوكس لما تخلص تطول عشان تغطيه
ولا المصيبة انها تغطي مكان ثاني مو المكان اللي سوت فيه ههههههههههه
و أحيان لا ماشاء الله تغطيه كويس

و نادرا ما أشوفها تجلس لوحدها وتنظف نفسها
ع حسب مزاجها الأخت تنظف يد ثم تروح تلعب ثم ترجع تنظف شيء ثاني في جسمها !

جالسة أقول بس تكبر بتتعلم صح لأن هالشيء فطرة صح أو لا ؟

***

بالنسبة للتمشيط و الأظافر
تتتعبني معها بس تهرب مع أني لطيفة جدا لما أمشطها و لا أقص لها

***

بالنسبة للتعقيم ايه أنا ناوية
لأن أصلا أنا لوحدي ماقدر عليها في حمل وولادة وتزاوج بعد
فناقشت الدكتور و قال لما تجين بعد شهر عشان ابرتها أكلمك
عن التعقيم و متى نسوي لها

الدكتور اسمه


***

بالنسبة انها تحتاج أخت تلعب معها
يكفي أنا
أنا أهلي رافضيين شيء اسمه قط في البيت بس حطيتهم قدام الأمر الواقع
فمخصصين لي الدور اللي فوق فيه غرفتي و غرفة أختي و مقلط فقط
ممنوع تنزل البيت تحت
بس أحيانا أنزلها اذا أهلي مو فيه
و ألعب معها كثييير مدلعتها
حتى النوم ماتنام الا جنبي ع السرير وتتلحف بعد طويلة العمر
إن شاء الله مي وحيدة أنا عندها