مرض غريب

[هاوية خلق ربي]

السلام عليكم ورحمة الله وبركاته
معليش بأستعجل بسرد المشكلة
عندي زوج زيبرا الحمدلله متفاهمين مع بعض وكذا وماعندي مشاكل بجنس كل واحد منهم مثل طيوري السابقات بس لاحظت على الأنثى من فترة سقوط بريش الراس وخمول بسيط بعدين نبت الريش والحمدلله وتنشطت لكن الحالة رجعت لها واليوم هادية بشكل مو طبيعي ونايمة كأنها ميتة بس اللي مطمني انها لازالت تتنفس
اذا عندكم الحل ابيه بأقرب وقت تكفون

[هاوية خلق ربي]

نسيت أقول
فيها فتحة من جانب الراس ما أدري اذا طبيعي او لا

[هاوية خلق ربي]

وهذي الصور يوضح فيها أكثر حالتها
http://www.gulfup.com/?LoRfDl
http://www.gulfup.com/?HEcFTz
ما أقدرت انزلها كصورة ع المنتدى مباشرة بسبب الجهاز اللوحي فجبت الروابط ☝
ياليت تجاوبوني بأسرع وقققققت

[هاوية خلق ربي]

تطور الحالة :
تهدل بجناحه الأيسر ما أدري لأنه تحرك شوي عن حافة الشبك
والذكر صاحي من بدري ويغرد حولها يبيها تتشجع =’(

تكفون عجلوا في الرد لعلي ألحق عليها

[هاوية خلق ربي]

للأسف الشديد ماتت لعله أخير لها
بس وش أسوي بالذكر أخاف يتأثر ويموت !

إلى الحين ماطلعتها من الشبك بس واضح أن الذكر حاس فيها لأنه صاحي من بدري

=’(

[أبو أمينة]

صباح الخير

الأخت الفاضلة هاوية

ربي يعوضك بأنثى أحسن منها ، هناك عدة أمراض تكون اعراضها كما كانت في الأنثى :-

1/ التيفويد .

2/ الإسهال بنوعيه .

3/ التيارات الهوائية القوية .

ما العمل ؟

1/ تنظيف القفص من فضلات الطيور وخصوصا الأنثى .

2/ غسل أرضية القفص .

3/ وضع بودرة فاليمايسين في مشربية الماء .

4/ شراء انثى جديدة خالية من الأمراض ريشها غير متساقط .

تقبلي مروري

أبو أمينة

[هاوية خلق ربي]

طيب حاليا أطلع الذكر من الشبك ؟؟

[أبو أمينة]

صباح الخير

نعم طلعي الذكر من الشبك ، ونظفي الشبك ورجعي الذكر فيه مرة ثانية .

تقبلي مروري

ابو امينة

[هاوية خلق ربي]

صباح النور


آسفة بأزعجك شوي
أقدر أخلي الذكر بدون انثى في الفترة الحالية "علماً بأنه ماعندي غيره "
وإذا أقدر تقريباً كم يقعد يوم ؟؟
وبالنسبة للأنثى احتمالية ضئيلة اني اجيب له بس لازم يكون من نوعيته ونفس العمر تقريباً !
كيف اعرف ان الذكر ماعنده نفس المرض !
واذا كان عنده كيف اعالجه !
وكيف اقي طيري منه مستقبلاً!
.
.
وبسألك عن كيفية غسلك للشبك بالعادة !
بشكل دوري ! غسل الشبك بشكل كامل ! تغسل الطيور بنفسك وإلا تحط لهم موية ينغسلوا بأنفسهم !
وبالنسبة لموية الشرب لازم تكون موية عذبة او شي زي كذا أو اي شي عادي !
نوعية أكل تنصحني فيها !"علماً بأني ما أحط لهم إلا الأكل وكالسيوم"
والإضاءة لازم تكون منظمة ! لأني عجزت اضبط تنظيم الإضاءة
.
.
.
أحتاج لنصيحتك بالتربية وبحاول أبدأ بداية جديدة
علمني كل شيء أحتاجه لا هنت

[هاوية خلق ربي]

ونسيت أسأل
الخيش اللي في عشه أبدله !

والهدوء اللي يجيه طبيعي ؟!