استفسارات بخصوص 3 ازواج

[Sayo~nara]

طيب ايش العيب بالضبط ؟؟؟ ما يعرف يلقح كويس ما يضبط التلقيح ؟؟؟

اذا كان دا العيب اللي تقصديه بقولك اصبري عليه وهو حيتعلم إن شاء الله ويعرف يلقح وحينتجو بيض ملقح بأمر الله ...
عندي زوج نفس الحكاية كانو يبيضو بيض غير ملقح وكنت اراقبهم وملاحظة انو الذكر ما كان يعرف يلقح واستنتجت انه شكله اول مرة يلقح فقلت اصبر عليه
وفعلا اعطوني المرة الثالثة بيض ملقح ماشاء الله تبارك الله ... انكسرت وحده ووحده مات فيها الفرخ ووحدة ولله الحمد فقست ..

لكن اذا كنتي تقصدي العيب شي تاني .. ممكن تقولي ايش هو ؟؟
لو كان زي ما قلت لكي .. اصبري عليهم لو غير دا السبب اذكريه امكن نلاقي لكي حلول إن شاء الله

اما حكاية انك تفصلي الذكر عنها .. بصراحة انا بالنسبة ليا ما احب احرمهم من بعض ههههههه ونفس الشي اخواتي يقولو لا تحرمي زوج من زوجته ..

بس كتير مربين يبدلو في الذكور وعادي ماشاء الله يكون كل شي تمام

بس كتجربة ليا .. نفس الزوج السابق اللي قلت لكي عنه .. لما كان ينتجو بيض غير ملقح .. نصحوني اني افصله عن الانثى لمدة اسبوع واخلي الاقفاص متقابلة ..
بس وربي 3 ايام ورجعته للانثى مرة ثانية لاني لاحظت انه تعب نفسيا وما عاد صار ياكل مع انه قفصه مقابل للانثى ..
وكنت خايفة يموت ورجعته للانثى ..

بس مو كل الطيور زي بعض .. دا اللي حصل معايا ..
انتي طيب جربي .. افصليه عن الانثى ولو شفتي انه اتأثر وتعب رجعيه واصبري عليهم وصدقيني مهما طال الوقت مصيرهم ينتجو إن شاء الله

كلمتك على اساس تجربة وانتي لكي حرية الاختيار .. وبعدين ما احد يتعلم إلا بالتجربة ..

فنصيحتي هي انك تعرفي سبب عدم تلقيح البيض وتحاولي تحليه ولو كان عيب من الذكر وانه ما يلقح كويس اصبري وهو بيتعلم لوحده ..

وبالتوفيق