تدريب الكوكتيل

[Sayo~nara]

ماشاء الله تبارك الله .. مررررة جميل الفرخ ... الله يبارك لكي فيه ويحفظه لكي ..

بالنسبة للجنس .. الفرخ لسه صغير ما يتحدد جنسه دحين .. وكمان نوعه فراشة .. احس صعب شوية تحديد الجنس في هذا النوع ..

اما التدريب .. فمالك إلا انك تخليه برا القفص طول الوقت ..
يعني خليه دايما حولك .. يلعب ويمرح ^^
وقت الاكل ناديه بإسم معين ... عشان يجيكي
يعني اربطي اسمه بكل مرة تعطيه اكل ..

عندي كروان .. لما كان صغير كنت كل ماا خرج من الغرفة اقوله " توتو باي باي " يعني شوف انا بروح عنك...
وكان يجي طيرااااان يطير على راسي لين تعلم يقول توتو باي باي وخلاص صار لما يناديني يقول توتو باي باي ههههههه

يعني وجود الكروان حولك طول الوقت بيخليه يتدرب ويتعلم اشياء كتيرة لوحده
ولو تبغي تعوديه على حاجه .. من الان عوديه ..

بالنسبة انه يطير وما ينزل ... جربي تجيبي له اكل وتناديه باسمه وهو في الاخير حينزل ويطير عليكي وياكل ..

وصح عوديه على حك الراس .. لانه طيور الكروان تحب مررررة انه الشخص يمسح على راسه ويحكه ...

وكلها كم اسبوع وبتشوفي انه الطير حبك و اتعلق فيكي ^^

لو تبغي تعلميه على حركات ذكية ولعب وخدع .. ادخلي اليوتيوب واتعلمي .. لانه الكروان لسه فرخ بسهولة يتعلم ..

وبالتوفيق