سؤال بخصوص البلوفرنتد

[فـلاح]

السلام عليكم


سؤال بخصوص البلوفرنتد فيه نوعين جاكو و عادي

اللي ابي اعرفه شنو الفرق وشلون اميز بينهم


معروض علي بلوفرنتد جاكو عمره 3 شهور ب 250 كويتي . شرايكم؟!

[فـلاح]

للرفع
ارجو الرد

[monybat]

سعره جدا ممتاز انا من الكويت بس اذا فعلا ٣ شهور
لايوجد فرق بين العادي والجاكو سوا ان الجاكو يجي احلى في الشكل عالراس والاكتاف اللون ممتد والراس يطغي عليها اللون الاصفر لتحت المنقار بس هل هو ٣ شهور وايضا ربوه ولا لأ بس بالنسبه للسعر ممتاز لو حاب اي استفسار حاضر دذلي عالخاص

[طاهر عبدالعال]

سعره ممتاز والجاكو يجى أصفر على الرأس وأطراف الجناح وأحلى فى الشكل لكن فى الولافة والكلام الأثنين واحد وأنا من الكويت ******

[أبو عبد الرحمن الجداوي]

اخوي تأكد اول شي هل الحجل كبس ولا اصلي لو كبس لا تعتمد على العمر اللي قالوه لك ولو اصلي فعلا هو عمر الطير

[فـلاح]

المشاركة الأصلية كتبت بواسطة monybat

سعره جدا ممتاز انا من الكويت بس اذا فعلا ٣ شهور
لايوجد فرق بين العادي والجاكو سوا ان الجاكو يجي احلى في الشكل عالراس والاكتاف اللون ممتد والراس يطغي عليها اللون الاصفر لتحت المنقار بس هل هو ٣ شهور وايضا ربوه ولا لأ بس بالنسبه للسعر ممتاز لو حاب اي استفسار حاضر دذلي عالخاص

الله يعطيك العافيه يالغالي . . وشكرا على المعلومات

بالنسبة للولافه ما ادري بس اذا صج عمره شهور مو مشكله الولافه

المشاركة الأصلية كتبت بواسطة طاهر عبدالعال

سعره ممتاز والجاكو يجى أصفر على الرأس وأطراف الجناح وأحلى فى الشكل لكن فى الولافة والكلام الأثنين واحد وأنا من الكويت ******

الله يعطيك العافيه على المعلومات يا طاهر

المشاركة الأصلية كتبت بواسطة أبو عبد الرحمن الجداوي

اخوي تأكد اول شي هل الحجل كبس ولا اصلي لو كبس لا تعتمد على العمر اللي قالوه لك ولو اصلي فعلا هو عمر الطير

الله يعطيك العافيه يا ابو عبدالرحمن ..

بالنسبة للحجل . . ماني متأكد لاني توني عرفت المعلومه منك الله يجزاك خير . .

بس مشكلتي مع الامزونيات ماعرف اكتشف العمر مثل الافريقي . . ورآح اتأكد من الحجل وشكرا على التنبيه

[Faisal 82]

نصيحه مني لاتاخذ الطير الا من محل معروف بالكويت لان اكثرهم مايخافون الله

[q8200]

اهلين اخوي
اذا 250 وعمره 3 شهور او 6 حلو سعره طبعا اغلب المحلات من 250 وصاعد ومايوصل 300 وتاكد انه الحجل صك يعني شكله مثل الدبله وتعرف التاريخ مثلا لو كان 09 يعني 2009واذا 3 او اربع شهور مواليده 12 يعني مواليد 2012
وطبعا اذا توكلت على الله وشريته بيكون طاخ وهادي خله يومين يتعود على المكان وبعدين بتشوفه يتحرك وياليت تدخل وتدور بالمنتدا اشلون تختار خوش طير انه مايكون مريض والشباب. بيفيدونك وموفق يارب
وبالمره حبيت اسئل الي عندي محجل حجل صك ذهبي ومكتوب
AZ00 12
حبيت اعرف من وين اصل الطير وشنو يعني 00 الي عندي فرخ مواليد 2012
وشكرا