الرد السريع

[Booody]

السلام عليكم

اسف علي الفتره الي كنت غايب فيها عشان الدراسه

المهم محتج مسعاده ,,

انا اشتريت حمام جديد

1 جوز استرالي تلت (برقبه صفرا)
و 2 جوز زرق جمعيه

المشكله في ال 2 جوز الزرق جمعيه
امبارح و احد مات مش عارف ليه ؟؟

و لقيت و احد تاني في بدايه مرض الروشه (الرقبه تلف) و رقبه لفت حاجه بسيطه في علاج اقدر اجيبه ولا خلاص هيموت ؟؟ و بلنسبه للزغلولين الفاضلين في ادويه ليهم عشان لا قدر الله العدوي انتقلت ؟؟ مع اعلم اني فصلت المريض في عين ولحده ؟؟

و اخر سؤال ممكن بعض اسماء الفيتمينات للحمام من الصيدليه البشريه ؟؟

[رائد ملكاوي]

الله يعوض عليك في اللي مات

مرض الروشة مرض فيروسي ولا يوجد له علاج اطلاقا،

اللي تقدر تعمله انك اللي اصيب ولا زال حي تساعده في الاكل والشرب اذا ما بيعرفش ياكل او يشرب

وطالما يقدر ياكل ويشرب ان شاء الله الأمور تمام

والاجراء اللي انت عملته صحيح وهو اجراء العزل

فترة العدوى للحمام المصاب 3 اسابيع وبعدها تقدر تحطه مع باقي الحمام حتى لو اعراض الروشة فضلت

بالنسبة للفيتامينات يفضل انه تكون بيطرية على شكل بوردة وتشتريها من عند الاطباء البيطريين او الصيدليات البيطرية علشان تقدر تحسب الجرعة واللي تكون 0.5 ال 1 غم لكل لترين ماء

وتقدر تستخدم خل التفاح بالعلاج والوقاية 8-10 مل على لتر المية

وتقدر تستخدم الثوم عن طريق هرس سنين ثوم وتحطهم على لتر المية

وتقدر تخلط الخل مع الثوم

أما كإجراء علاجي للحمام المصاب فلا يوجد اي شيء يمكنك عمله سوى الانتظار

وبعض الحمام يشفى من تلقاء نفسه بدون تدخل وما يفضل اي اعراض عليه

وبعضه يشفى مع بقاء بعض التأثير وينتج عادي

وبعضه يموت للأسف

والله يشفيهم