سؤال عن الدرايف

[jassim99]

العفو ولو يالغالي

و الشكر موصول لمشرفنا ابو علي

شوف يالغالي الرابط الي حطه لك ابو علي بتتعلم الكثير عن الدرايفات و كيفية تسليطها و تكريسها في امور كثير راح تستفيد منها

و بالنسبه لكلبتك بمجرد انطلاقها ورا الكره هذا البري درايف شغال عندها و ممكن تطوره وتزيده

لكن مو معناته ان الكلبه لازم ترجعلك الكره

ارجاع الكره او الفرزبي او التق او اي شيء ترميه هذا يرجع لتدريبات (الريتريف)

و انصحك قبل ماتعلم كلبك عالريتريف علمه (الهولد) حمل الاشياء دون الالقاء بها عالارض

و خله يكون على الليش و شوي شوي طول فترة الهولد

و بعدها وهو امامك يحمل الاوبجكت ارجع خطوه ورا ثم كافئه حين يتقدم الخطوه

ثم كررها مع الخطوتين

و اذا اتقنها خلها ثلاث مع ترديد امر الريتريف في كل مره ترجع فيها خطواتك

و اذا حسيته اتقن الامر 100%

انتقل لنفس التدريبات اوف ليش (بدون ربط الكلب)

و بعد ان يتقنها 100% انتقل الى اعطاء الامر مع رمي الأوبجكت مسافه قصيره

ثم اطل المسافه كلما احسست ان الكلب يفهم المطلوب منه

طبعا هالتدرجات كلها مو بيوم واحد

قسمها على يومين او 3 ايام على حسب سرعة استيعاب كلبك

و اذا مافهم المطلوب عطه فرصه يمكن اسلوبك فيه شي خطأ او مكافئتك ليست مغريه بما فيه الكفايه

اتمنالك التوفيق

تحياتي