استفسار عن الببغاء الغيني (التمنه) ؟؟!

[شرقــــاوي]

يـنـقـل الـى الـقـسـم الـمـخـصص لـه ..

[آنآستــآزيآ]

ولاحظت إنه يهز براسه إذا أكل بعد ساعات تقريبا (مادري شي طبيعي أم لا)

.. طبيعيــة ان شــاءاللهـ ..

وهو أليف نوعاً ما .. يعني لما أقرب ما يصرخ .. يرجف ويبعد أو ينزل تحت بالقفص
لما أعطيه شي يجي وياخذه من يدي ..
يعني ما شاء الله رائع جدا ..

.. ماشــاءاللهـ .. شــيء جميــل وراح يساعــدكـ فــي تدريبــهـ ..

بس بستشيركم فيه ..

أولا / أنا الحين أفتح له القفص من فوق .. من ثالث يوم تقريباً
وأحط له حق الأكل والماء فوق القفص .. وياكل ويشرب .. ويضل فوق
بس بالليل أشيلهم وأدخلهم بالقفص بعدين هو ينزل وينام

مادري أخليه دايم برا القفص ولا لا ؟؟

.. نظامــكـ جــداً جميــل لا تغيــرهـ ..

ثانيا / اللي شريته منه يقول لا تخلينه في مكان مثل (الصاله) إزعاج
وناس رايحه وناس جايه في البيت تمر من عنده .. وأطفال مزعجين بعد

قال خليه عندك فتره لحد ما يتعود عليك .. الفتره هاذي ما سئلته كم ولا حدد
إنتوا بحكم خبرتكم ... الببغاوات الصغيره هاذي كم تبي عشان تتعود علي
ومتى أنزله لأهلي وأطلعه بالحوش يلعب .. حددو كم يبي من يوم أو شهر


لأنه هو الحين عندي فوق بغرفتي ينام عندي .. وأنا قاعده عنده طول الوقت
على الكمبيوتر طبعا .. وأكلمكم الحين وهو قدامي ههههه
وعندي بلابل هولنديه ... مزعجه جدا .. بس هو مستانس فيهم وشكلهم مثله بعد
فـ هذا شرح كامل لكم عشان تفهمون الببغاء هذا وتفهموني أنا عليه

.. لا بـ العكــس ياخــووي .. ضعــهـ بـ الصالــهـ عشــان يتعــوود علــى النــاس ويصيــر مــا يخــاف .. والأفضــل تخلّيــهـ مــدة أسبــووع مــا تخرجــهـ مــن القفــص وتلعــب معــاهـ عشــان يتعــوود فيهــا شــووي .. وبعــد هـ الأسبــووع أو أسبــووعين أخرجــهـ وإلعــب معــاهـ ودربــهـ ..

ثالثا / متى أبدا الترويض عشان يرقى على اليد ويتدرب على الأصوات ..
مو شرط (الكلام) .. النغمات تكفي

وكمان معلومه قالها اللي شريته منه ..
إن الببغاء الغيني أكثر نغمات من الكاكسو
مزعج ويحب يغرد مره ..

بس اللي شريته لحد الآن ما قال ولا نغمه إلا مره غرد تغريده وحده بس
عشان شغلت له تغريدات ورجعت أشغلها وما غرد .. وش السبب ؟؟

.. الطيــر لســا جديــد ويبغالــهـ فتــرهـ يتعــوود ويصيــر غريــد وناطــق طليــق .. البــلابل راح تساعــد فــي إنــهـ يغــرد لأنــهـ يسمعهــا ومــع الوقــت بيقلــد نغماتهــا .. حــاول تكلمــهـ كثيــر وتسمعــهـ مقاطــع مــن اليوتيــوب تغــاريد وكــلام عشــان يتحفــز ويصيــر متكلــم وبطــلاقة ..

وآخر نقطه

(العسل) .. أتذكر الببغاء الكاسكو كان يعض وسئلت ناس هنا في الموقع وقلت لهم وش اللي يخلي الببغاء ما يعض
قال واحد امسحي اصبعك بعسل وخليه يعضه بعده ما راح يوجعك بيدور على العسل اللي في إصبعك

ينفع أسويها الحين مع هذا الببغاء .. ما يضره العسل وهو صغير .. ؟؟

.. لا مــا يضــر .. بــس لا تكثــري منهــا .. وتــرا هــذي مــو الطريقــة الوحيــدة !! اقــري مواضيــع وان شــاءاللهـ بتفيــدكـ ..

.. آنآستــآزيآ ..

[muneer434]

اختي غيني 12
بالنسبة للطير الله يبارك لك فيه بس حبيت اعقب على نقطتين
بالنسبة للصالة امر مهم انك تخليه في الصالة عشان يتعود على الاولاد والرايح والجاي ويولف على البيت
وثاني شي والاهم انك ماتخليه ينام معاكي في الغرفة لانك اكيد بتنامي وانتي فاتحة المكيف وهذا الشي مرة غلط انه ينام في غرفة باردة ممكن ينصاب ببرد وزكمة والم في المعدة واسهال والتهاب في التنفس وغيره من الامراض اللي ممكن تموته
فانا انصح انك تنوميه في غرفة لحاله وتكون ظلمة عشان يرتاح وياخذ راحته ويصحالك ويكون فايق ورايق
وشكرا