أريد شراء ببغاء

[ksa1291]

السلام عليكم ورحمة الله وبركاتة
أٍسعد الله أوقاتكم بكل خير
الحقيقه لي رغبة بشراء ببغاء أو كاسكو , مدري اذا الفرق بالتسميه بس

الزبده في الموضوع إني تابعت مقاطع في اليوتيوب للكاسكو وصار عندي عشق ورغبه كبيره إني أربي واحد

والبلى إني في الطااااايف وغالباً ما تلقى شيء تمااام

ولهذا طرحت موضوعي من عنده ببغاء صغير يريد بيعه أو يعرف أحد يبيع

أكوون له من الشاكرين

وعلى طاري المقاطع
بحط مقطعين لنوعين مختلفين للكاسكو أشكالهم جدا عجبتني الاول ابيض والثاني رصاصي

http://www.youtube.com/watch?v=R7ErE...eature=related

وهذا

http://www.youtube.com/watch?v=QB-Yp...eature=related

[poss]

اخوي تقدر تنزل جده في سوق اسمه سوق الاهدل تسال عن محلات الطيور يدلونك اهل السوق لان سوق الاهدل سوق ملابس وفي جانب اخر مختص ببيع الطيور اقرب عنوان ممكن تعرفه سوق الاهدل قريب على ملعب جده الرياضي واسعارهم زينه واحسن وارخص الاسعار بالمملكة بجده
وانصحك بشراء الببغاء الرمادي ثاني رابط باليوتيوب لانه ارخص وامراضه قليلة وتقدر تروضه وتقدر تاخذ خبره ومعلومات عن الببغاء الافريقي من المنتديات واهم شي بالببغاء النضافة وتعاملك مع الطير مثل افراد اسرتك

[ابو منيرة]

انا سراحة افضل تأخذ الامازون وخاصة البلوفرونتد

[عشقي البلوفرنتد]

اهلا وسهلا
اخي الكرريم انصحك بالبلوفرنتد ولككن دامك مبيتدئ راح يكون صعب عليكك اختيار هذا النوع
فانصحك بالببغاء الافريقي الرمادي
فرخ اليف يطلع عاليد وحبوووب ولعوووب وراح تحب هذي الهوايه انشاء الله
بس اهـم شي يكون عندككك قدرره على الاهتمام بالنضافه والتلقين وووووو
اتمنى اني افدتك
محبكككم ،،،،، عشقي البلوفرنتد

[بلاك بيري]

اخي الفاضل دام انك مبتدئ خذ اما ببغاء افريقي رمادي اليف ومافيه جعره وعمره لا يتجاوز سنه

[ksa1291]

كيف أسعار الببغاء الرمادي ..
تقريبا كم متوسط السعر !

وش الأفضل أخذ أليف ومدرب ولا أشتري واحد صغير وأدربه بنفسي

[ksa1291]

إيه سؤال أخير هل صحيح إن الببغاء يعيش إلى 60 سنه ؟

[Abu-AbdAllah]

المقطعين التي عرضتها واحد منها الابيض ليس كاسكو بل كوكاتو
سعر فروخ الافريقي يتراوح مابين 1100الى 1400 والاليف مابين 1400الى 1800
والافضل تاخذ واحدك وتدربه بنفسك اذا كانت لديك الخبره
وصحيح يوصل عمره الى 60 اذا كانت البيئه ملائمه له


لك خالص تحياتي....

[ksa1291]

جزاكم الله خيراً جميعاً أستفدت كثيراً من ردودكم
شاكر ومقدر

[مًٍحًٍمًٍدًٍ ...]

شووووف يالغالي اذا انت من الطايف داوم ع حظور يوم الجمعه سوووق الطيور عندكم وترى فيه واحد افغاني كل فتره ينزل طيور افريقيه ينتجها عنده وتتكلم ونضيفه وصغار بالسن ماتتعدا سنه واسعارها حلوه مره حدود الفين دوم يبيع .. لكن يبيلك تداوم تحظر ع السوق يوم الجمعه وهو بعد ترى يطول من فتره لفتره بس طيووووره مره حلوه ومواصفاتها عاليه .. ولو اقدر اساعدك اكثر ساعدك ..بس ذا الي شووفته انا من مداومتي لسوق الطايف من فتره لفتره بس عاد انت وحضك واذا تبي تروح لسوق الاهدل بجده روح ونتبه لا تشتري الا بعد ماتمر كل المحلات وهم انتبه لنشاط الطير .. شكلي طولت صح