قطتي وطلب الزواج

[azoz12331]

السلام عليكم

قطتي عمرها سنتين بدات بالمواء وكنت لما المس ظهرها تاخذ وضعيه الزواج اخذتها تتزاوج .. وخليتها مع ذكر مده اسبوع .. وتوي جايبها امس ورجعت تماوي اكثر من اول ولا وتتقلب على الارض بعد ..

هل هذا طبيعي ؟ او هل هذا يدل على عدم التلقيح ؟

[azoz12331]

اللي عنده معلومه يفيدني الله يجزاكم خير لانه تماوي بصوت عالي وتتقلب على الارض تكسر الخاطر

[Octopus]

يدل على عدم التلقيح و المفروض انك ترقبهما يمكن الذكر اول مرة يتزوج و الله اعلم

[artos]

اهلن انت ودها لذكر وراقبهمم.

وادا تلقحة وماوت ثلاث ايام عادي لان الهرمونات مرتفعهه

[azoz12331]

اخوي اوكتوبس عيدك مبارك انا مخلينها عند ذكر مده اسبوع وتوي جايبنها امس يعني طبيعي تماوي الحين

[azoz12331]

مالي الا اصبر واشوف يعطيكم العافيه جميعا

[مون فيس]

طيب اسأل صاحب الذكر اذا تلقحو او لا؟؟

اذا تلقحو ف كم يوم وتهدى

لاكن اذا ماتلقحت ف طبيعي

الطلب الجاي رجعها للذكر وراقبها

[الدلع]

وعليكم السلام ورحمة الله وبركاته
حياك الله
عندي سؤال الله يجزاك خير :
هل هذي بستك ( فيبي )

[azoz12331]

انا وديتها محل الصراحه ويوم سلمت البيطري القطه ويوم استملت القطه كان المحل زحمه بشكل مو طبيعي فما كان فيه وقت اني اساله الله يعين مالي الا انتظر متى يفتحوا وامر عليهم .. وبالنسبه للقطه هيه فيبي .. بس ليش يعني

[الدلع]

على حد علمي ان فيبي لسا والدة من شهرين وعشرين يوم ومرت بظروف صحية اثناء الحمل وبعد الولادة
تمنيت انك ما استعجلت على تزويجها وتجاهلت طلبها إلى ان يمر اربع شهور حتى ترتاح و تستعيد صحتها بشكل كا مل ويكون عندها استعداد لحمل جديد من دون مشاكل
وانا من وجهة نظري تزويج البسة آمن في البيت ويمنع تعرضها للعدوى غير ان اهتمامك في بستك وحرصك عليها في البيت وقت تزويجها يختلف عن اهتمامهم لأن العدد الي جاي يزوج بسسه عندهم كثير
فقط هذا الي حبيت أضيفه وان شاء الله ما أكون تدخلت فيما لا يعنيني لأني أحس بأن كل بسة عند أي انسان هي بستي
وعشان كذا أنا حريصة عليها
تحياتي لك