قطتي الجديدة...

[Latti]

اهلاا اختي

تتربا بعزك ماشاءالله

بالنسبه لأسئلتك راح اجاوب على الاشياء الي اعرفها

اولا بالنسبه للافرازات بعين قطتك هذا شي طبيعي في كل القطط ممكن تجيبين قطنه ومويه دافيه وتمسحي عين القطه بنعومه شوي وطبعا كل عين بقطنه
ثانيا بالنسبه لبرازها صراحه ما اعرف كثير عن هذي الامور بس الي اعرفه وممكن يفيدك اكليها زبادي قليل الدسم او خلاي من الدسم حطي معاه شوي مويه وخليه دافي هذا راح يساعدها لو عندها اسهال وانتي بكرامه

ثالثا الحليب الي تشربيها ايش نوعه لان البسس ما تشرب اي حليب لازم حليب اطفال خالي من الاكتوز او حليب قطط ان وجدوكمان لاتكثرين لها الحليب ومنتجاته لانه يسبب الاسهال بس اذا هي لسا ما انفطمت ممكن تشربيها شويي لا تكثري

رابعا المارتديلا مافي ضرر تاكل بس مو كثير وكمان مو بشكل يومي لانه يضرها اكليها دجاج مسلوق بدون ملح ولا بهارات وكمان اللحم مسلوق بدون ملح ولا بهارات ودوري بالسوبر ماركت يمكن تلاقين دراي فود للقطط لانها مهمه فيها فايتمينز لها

خامسا الشوكلت ضار على القطط يعتبر سم بالنسبه لها حتى لو هي تحبها امنعيها عنه وكمان من الاشياء الي تضر القطه الطماطم البهارات والفلفل الاسود والشوكلت والتونه


اتمنى اكون افدتك واي سؤال احنا حاضرين وان شاءالله باقي الاعضاء يفيدونك اكثر