قطتي مش بتتحرك

[h_fares el nour]

السلام عليكم ورحمة الله وبركاته

قطتي من فترة كان عندها خمول شديد جدا وتعبانة جدا وكانت يومين تقريبا مش بتاكل

بعد اليومين دول ولدت واحد بس ومارضعتهوش وبالرغم من محاولاتي لكن مات (( واكلت رجليه ))

واستمر تعبها شوية وزاد بأنها بقت بتحرك راسها من حين لاخر وكأنها هتتشل وماتقدرش تمشي خالص لكن تتحسن تاني

جيبتلها ايموكس واديتهولها بجرعات بسيطة بالاضافة الى فيتامينات من صيدلية بشرية كنت احطهالها في المية وكنت اغيره كل يوم

وبعد يومين من بداية علاجها خفت قوي والحمد لله بقت ممتازة وبتلعب وبتجري وانا فرحت قوي

النهاردة كنت ممتازة جداااااا لكن فجأة اتغيرت مااعرفش ايه السبب

بقت مش بتحرك نصفها الخلفي ابدا

وبتمشي على ايديها فقط وتجر رجليها وتقريبا ذيلها انا لما باشيله خفيف قوي ومش بتقدر تشده ومش عايزة تاكل او تشرب ابدا وبقت بتعض وتقطع اي حاجة جنبها وبتنونو بصوت عالي

وطبعا استحالة اوديها لبيطري لسببين .. الاول لان البياطرة في منطقتها مش بيفهموا ابدااا وحصل كتير انهم اتسببوا لي في موت قطط وعصافير ربنا يسامحهم . الثاني انها شرسة وخوافة جدا من اي حد غيري

عاوز اعرف ايه سبب اللي حصل ؟؟ وايه الحل ؟؟ وهل الموضوع بسيط ولا خطير ؟؟


منتظر ردودكم ..

[شاهستا]

وعليكم السلام ورحمه الله

الافضل تروح لبيطرى ربنا يشفيهالك

[artos]

إولن تؤديها للبيطري

وماتعطيها. أي حاجةة من جدون ماتشتشري خبراء

[BJ-4cat]

انا مع أختي شاهستا
خدها لطبيب البيطري أفضل ما تفقدها وتصير تتندم ؟
http://www.2zoo.com/vb/showthread.php?t=270166

[h_fares el nour]

مستحيل ادويها لبيطري

اصلا مش هيعرفوا يعالجوها وكمان مش هاقدر اطلعها خالص

ياريت تشوفولي حل

هي مش بتحس بنصفها الخلفي خالص الرجلين والذيل مهما دوست عليهم مش بتحس

[MAMAMy]

حلتها خطيرة لازم توديها لأي بيطري بسررررررررررررررررررعة جداااااااااااا#

[h_fares el nour]

هي كانت تعبانة الفترة اللي فاتت واتحسنت

وخلال فترة تعبها ولدت ومارضعتش ابنها

وبقت تنزل دم لونه احمر لمدة يوم لكن خفت الحمد لله وتعبت بالطريقة دي امبارح

هل دا نقص كالسيوم او نقص فيتامين دي ؟؟

وموضوع البيطري مستحيل اوديها ماينفعش خالص

[h_fares el nour]

روحت للعيادة البيطرية (( لاول مرة )) والحمد لله لقيت الى حد ما المعاملة والاهتمام افضل قليلا من الصيدليات البيطرية

وكشفوا عليها دكتورين (( بس من بعيد يعني بدون فحص )) وعرف مني كل حاجة حصلتلها

وادالها حقنة نيوروبيون

وادالي دوا شراب ديكال ب 12 وقاللي اديلها منه 1 سم يوميا تلات مرات

كله دا من الصيدلية البشرية

وقاللي ان شاء الله تتحسن

عاوز اعرف ايه رأيكم في الادوية دي ؟؟

وهي مش قابلة الاكل خالص انا اكلتها النهاردة فقط شوية لبن قليلين بالسرنجة

اعمل ايه ؟؟

[h_fares el nour]

حد يرد علي لو سمحتوا

[ميزنوا]

الله يشفيها انا ودي اساعدك بس ماعندي خبره

توكلي على الله واعملي زي ماقال الدكتور وادعي لها انو الله يشفيها وانا بدعيلها من كل قلبي :")