سلحفاتي وتصرفاتها الغريبه ..,

[عاشقة قطوتها]

سلااااااااااااااااااااااام

عندي سلحفاه جتني هديه لها تقريبا عندي ثلاث سنواتالله يطول في عمرهاا ..

والي اهدوني ااياهاا قالوا انها برمائيه ..

طبعا هم جابو لي اياها في حوض حق زي حق السمك بس من تحت فيه هاذي الجواهر حق الزينه الي تكون ملونه وشفافه ..

المهم بما انها برمائيه كنت احط لها بلاطه جوه مرتفعه شوي عن سطح المويه عشان اذا تعبت تطلع فوقها ..

والمشكله انها ابداا ماتطلع فوقها اربع وعشرين ساااعه تحت المويا ومستمتعه وانا كنت خايفه عليها مره اخاف تغرق لانها تنام تحت المويا

وحاولت كذا مره اطلعها فوق البلاطه تروح تعصب وتنزل المويا ..

وبعد فتره قلت يمكن تحب تسبح وعبيت لها البانيوو الي مانستعمله وحطيتها ..

كانت مررررره مستانسه وتتسبح وكل ماتعبت تطلع راسها شوي وبعدين ترجع تحت المويا

ويااااليتني ماحطيتها في البانيوو صايره مررره ماتبي تطلع منه ..

لما احطها فيه واعطيها اكل (هي ماتاكل ولا تتبرز وانتوا بالكرامه الا لما احطها بالمويه ) ..

ولما اشوفها خلاص شبعت اطلعهاا عشاان تدفى وادخلها غرفتي عشان تتخبى وتنام ..

والمصيبه ماتنام الا ساعتين ثلاثه وبعدين تقوم وتوقفلي عند باب الغرفه وتروح تدق حقها الصدفه بالباب ازعاااااااااااااج عشان اقووم واحطهاا في البانيوو ..

انا مره مستغررربه يعني مو هي برمائيه ؟؟يعني مفروض تتنقل بين مويا وبر صح ؟؟

اما سلحفاتي حاله خاصه مدري ليه ماتحب تجلس الا بالمويه ..

وفيه شيء ثاني معليش طوولت عليكم ..

هي تاكل ماشاء اللله كل شيء ..انا اعطيها خس وخبز مفرود (تمووت ع الخبز )

بس مره كنا حاطين اكل بالارض راحت دخلت جوة الصحن واكلت تونه

وامس كنا ناكل بروستد ولما خلصنا كلها دقايق وسمعنا (قرط قرط )..

طلعت الاخت يوني ساحبه فخذة دجاج وقاعده تحللها

هل هاذا طبيعي انها تاكل لحوم ؟؟

وبس ..

[عآشق الحيوآنآت]

وعليكم السلام /شئ طبيعي لان السلحفات البرمائة اذا كبرت تحب الماء وتاكل اللحوم و احسسن شئ تحطينها في حوض نصف مملؤ بالماى ةاذا جاء وقت الاكل عطيها سمك حي او مقطع

[jassim99]

اولا تم نقل موضوعك الى القسم المناسب ( قسم السؤال والجواب )

ثانيا السلاحف البرمائيه كثيره اتمنا ترفقين لنا صورها لان يختلف الوقت الي تقضيه السلاحف بالماء من نوع الى اخر

بأنتظار الصور

بالتوفيق

[۾ـٿـغـطرسـہِ]

هههههههههههههههه ياحلو سلحفاتك

اول مره اسمع عن هذي التصرفات

بسألك السلحفاة لهها ريحه ولا عادي ؟

[عاشقة قطوتها]

هاذي الصور الي طلبتها اخوي جاسم ..



هاذي الصوره من قدام ومع الاضاءه .



اتمنى تكون الصور كافيه ..انتظر الرد

[عاشقة قطوتها]

المشاركة الأصلية كتبت بواسطة ۾ـٿـغـطرسـہِ

هههههههههههههههه ياحلو سلحفاتك

اول مره اسمع عن هذي التصرفات

بسألك السلحفاة لهها ريحه ولا عادي ؟

دوم الضحكه يارب

خخ حتى انا سلحفاتي غريبه جدد

احيانا لما تجلس بالمويه كثيير ولما تكون المويا وسخانه ..

بس لما تطلعينها من المويا وتنشف فديتها لا ماتطلع ريحه

[عاشقة قطوتها]

المشاركة الأصلية كتبت بواسطة عآشق الحيوآنآت

وعليكم السلام /شئ طبيعي لان السلحفات البرمائة اذا كبرت تحب الماء وتاكل اللحوم و احسسن شئ تحطينها في حوض نصف مملؤ بالماى ةاذا جاء وقت الاكل عطيها سمك حي او مقطع

اووكي راح اجرب ..مشكوور وماقصرت ع المروور