تفضلو واتحفونا بتجاربكم

[H.B.H]

يعني أنا بقول اللي أسويه مع طيري ما أدري هل يعتبر ترويض ولا
طيري حفظ أنه لجا يجي على أيدي أقوله تعال ويجي وأذا بغا يجي على أيدي يقولي تعال أو أنه بس أفتح باب القفص يقول تعال وينزل ويطلع لعند الباب ويمد رجله على شان يجي على أيدي
طبعاً أهو على طول يرقى لفوق لين يوصل لكتفي وينزل راسه وأمسح عليه وبس...بعدين يبدأ ينظف في نفسه ويرجع الوضع طبيعي كأنه في القفص
طيب.....هنا يمكن الترويض اهو على كتفي وأبيه يجي على يدي خلاص برجعه القفص أقوله تعال وأحط أيدي قريب من رجله مرات عادي يجي ومرات أخليه يعض لين ييأس ويجي على أيدي طبعاً إذا جا الطير بيعض أنت حاول تشد أيدك على شان تنشد جلدة اليد ولا يقدر يسوي شيء
إذا ما تحملت خله يعض في الرسغ لليد طبعاً بيشوفه يابس ولا يقدر يسوي فيه شيء وبعدين بيرضخ للموضوع وبيجي على أيدك
الملخص....أنك لازم توري الطير أنك تبيه يستانس ويحوس بس إذا قلت له الشيء لازم يسويه وطبعاً لازم صاحب الطير يقوي قلبه وجسمه ويتحمل اللي يجيه وبيشوف نتايج حلوة مع الوقت

معذرة على الإطالة.....سويته موضوع مو رد
وأتمنى أنه ينفع أحد