(كاسكو) محتاجه نصايح عالسريع

[بلاك بيري]

المشاركة الأصلية كتبت بواسطة Arashi

السلام عليكم ورحمة الله وبركاته

اليوم رحت محل طيور وحاطت عيني على كاسكو جمييييييل @@\
عمره 6 شهور وسعره 2300 ريال....هاذي الاسعار عندنا

المهم...قلت بكره اخذ معاي فلوس واشتريه
بس محتاجه نصايح عالسريع...ايش اسوي لما اجيبه البيت ووين احطه؟
أبغي بدايتي معاه تكون اوكي وعقب أبحث بنفسي عن طرق تريبته و و و و و

حاليا عندي قفص كبير شوي...وبستبدل الستاندات البلايستيكيه بخشب (سمعت ان البلاستيك يضر رجول الطيور)
بشتري له حب شمسي وستاند كبير يوقف عليه خارج القفص

شنو بعد اسوي ؟ @@
مابيه يموت علي بسرعه ><

اولا وقبل كل شيء الف مبروك مقدما على الطير
لكن تأكدي اختي الفاضله ان السعر بالنسبه لي مرتفع لطير لا يتكلم ولا يطلع على اليد
تأكدي من عمره وتأكدي بان العين ليست باللون الاصفر او الابيض المصفر
تأكدي من حجم الطير وهل يوجد فيه جعره اولا
تأكدي من صحه الطير ونشاطه وهل يتفاعل مع الطيور الاخرى في المحل بالتصفير وغيرها ام لا
تأكدي من شهيه الطير
شوفي مخارج الطير كالانف وهل يوجد فيها قشور او لا او اثار مخاط
وشوفي البراز سليم ولا سائل
تأكدي ان الطير لا يعض
تأكدي من ولافه الطير وصعوده على اليد
تأكدي من ريش الطير والجناحين وهل مقصوصه اولا وشوفي الريش هل منتوف او لا
تأكدي من المنقار هل هو سليم ام به كسور
تأكدي من نظر الطير اختبري كل عين بافتعال حركات بيدك وشوفي الطير يراقبها او لا
تأكدي من سماع الطير لك سوي له اصوات وشوفي ينتبه لك اولا

بعد ما تجيبي الطير لعندك وتتوفقي في شرائه خليه بمكان مافيه تيارات هوائيه ومكان مغلق مافيه شبابيك مفتوحه
خلي الطير داخل القفص وغيري له الماء والاكل بشكل يومي مع التنظيف كل يومين مره لارضيه القفص ويفضل وضع الاكياس او الجرايد لمساعدتك في التنظيف
بعد الاسبوع بيتعود عليكي الطير بعدين نبدأ بمراحل التلقين والتدريب ان كان غير مدرب او غير متكلم
غطي طيرك في الليل حتى لا يبرد لا تهمليه مطلقا

ملاحظه ان التزمتي بما ذكر اعلاه طيرك راح يعيش معك اعواما مديده وهذه الطيور تصل اعمارها في حاله الاهتمام الجيد بها الى 80 سنه

بالتوفيق

[آنآستــآزيآ]

.. ماشــاءاللهـ تبــااركـ الرحمــن ..

.. كفــاا ووفــاا الأخ العزيــز بــلاكـ بيــري ..

.. واللهـ يبــااركـ لكـ مقدمــااً ..

.. آنآستــآزيآ ..