كاسكو مريض وابي منكم المشوره ..

[مسمار جحا؟؟]

السلام عليكم ..

اخواني ياليت اللي له خبره يساعدني ..

انا عندي كاسكو عمره سنه وشوي .. وله يومين ما اكل من " حب عباد الشمس " ولا شي .. >> مضرب عن الطعام الاخ ..

المهم .. يوم نزلت القفص لقيت " برازه " وانتوا بكرامه زي المويه ..

أخاف الطير منصاب مع البرد >> لا حد يقلي كوّيه ..

ايش صايرله .. وايش اقدر اسوي له عشان يتعدل حاله ..

[فديت الكاسكو لو يدري]

عليكم السلام ,~,
اخووي انا كان عندي كاسكو و زي حالة طيرك . وللاسف اهملته لاني كنت مبتدأ وماكنت اعرف له وحسبالي امر عادي انه مضرب عن الطعام والكلام بعد ..
ومر يوم ورا يوم وحالته زيد سوء ولما وديته عند البيطري قال لي انه مريض .. ومالحقت اعالجه ومات ..
فنصيحتي لك لا تترك الطير وخل اي دكتور مختص وواثق منه يعاينه قبل لا ازيد حالته .
وشكراً .

[آنآستــآزيآ]

.. لازمــ تعاالجــهـ بـ أقــرب وقــت !! ..

.. إشتــر لــهـ مضــااد حيــووي اسمــهـ .. بــاي تريــل 10% .. ممتــااز جــداً ومفعــوولهـ كذلــكـ .. وإبــدء معــااهـ مــن الغــد أو اليــووم لــوو تقــدر ..

.. إذاا لاحضــت بعــد يــووم أو يووميــن الطيــر مــاا أكــل حااجــهـ لا سمــح اللهـ جيــب سرنجــهـ وعبّهــاا أكــل فــرووخ مخلــووط جيــداً وغرّهــاا فــي فمّــهـ ..

.. طبعــااً لا تنســى تنظــف قفصــهـ بـ إستمــراار .. وتعرضّــهـ لـ أشعــة الشمــس يوميــااً .. وتبعــدهـ عــن البــرد خصــوووصاً !! ..

.. واللهـ يشفيــهـ يــــآرب ..

.. آنآستــآزيآ ..

[مسمار جحا؟؟]

شكرا لكم يا اخوان على هالتجاوب الطيب ..

انا رحت بعد المغرب لمحل طيور وعطاني تركيبه من ثلاث ادويه ..

واحد ابيض وواحد وردي وواحد اصفر .. وخلطهم سوا وقلي حطهم للطير في الماء .. ( ايش رايكم في اللي عطاني اياه )

عموما اي شي يصير معي راح انبرشلكم هنا واسألكم عنه وانتم ماشالله ماتقصرون ..

والله يجيب اللي فيه الخير ..

وشكرا ..

[مسمار جحا؟؟]

ياجماعه انا اليوم حطيتله تفاح بعد ما يئست انه ياكل من الحب اللي عنده .. هل في التفاح ضرر عليه وهو مريض ..

افيدوني الله لا يهينكم ..

[مسمار جحا؟؟]

وينكم يالربع مافزعتولنا اليوم .. وين المميزين والثقات " اناستازيا - بلاك بيري " ولا يهون الباقين ..

ياجماعه انا قمت أخبّص في محاولات يائسه لانقاذ طيري ..

انا اليوم عبيت " سرنجه " بالماء اللي يحتوي على الدوا وشربتها للطير ..

هل هذا يكفي ولا باااقي ماسويت شي ..

وبالنسبه للاكل اللي نصحتني فيه يا اخ اناستازيا , كيف اخلطه لأني ماعرفت ايش نوع الاكل بالضبط ..

انتظر ردودكم لا هنتهم ..

وشكرا مقدما ..

[sweet_heart]

بالنسبه للتفاح ما فيه اي ضرر بالعكس يعتبر مضاد حيوي طبيعي

بالنسبه لخلطة الاكل جيب اي خلطة حبوب جاهزه من اللي تباع في المحلات ومخصصه لطيور الببغاء

وممكن تضيف عليهم كورن فلكس وفواكه

وتخلطهم بالخلاط الين تصير مطحونه مره وتضيف عليها مويه دافيه وتخلطهم كويس يعني مو مره تكون مويه لا اثقل شوي

وحطها بالسرنجه وغر الطير فيها

اتمنى اكون افدتك مؤقتا الين يجوون الاخوان ويكملون الباقي

[بلاك بيري]

اخي الفاضل تحيه طيبه وبعد

ناديت ومالك الا نلبي النداء

طيرك ان ما اكل حب موب مشكله ياكل تفاح اهم شي ياكل شي يمسك بطنه الين نعالجه بالشكل الصحيح والمطلوب
انا افضل استخدام الخلطات الغذائيه المتوفره بكل صيدليه بيطرة وان ما لقيت تلاقي السيريلاك بالفواكه المشكله ممتاز جدا خلي ملعقه سيريلاك وخففها بسيرنجه مليانه ماء فاتر دافي وغر الطير واتبعه ب 2 سيسي ونص سيرنجه انسولين باي تريل 3 مرات باليوم وتاكد من ابتلاع الطير للدواء وخلال 24 ساعه راح تلاقي تحسن ملحوظ انشاءالله تعالى

اتمنى ان اكون قد افدتك

تحياتي

[بلاك بيري]

لا تنسى تدفي الطير وتغطيه بالليل وتبعد عنه اي تيار هوائي وخلي مع الحب الفول السوداني
وان ما كان عندك باي تريل اغلي رز وخذ موته وخليها عند الطير في المشرب وان ما كان عندك رز شاي اغليه وغليه غامق بدون سكر وحطه لطيرك يشرب منه

شد حيلك واحنا معاك قلبا وقالبا

تحياتي

[houston]

عطه شاي من غير سكر
وعطه فواكهه شكل له اكل اذا موراضي ياكل شمسي