معاناة قطتي ارجو الحل

[قطرة مطر]

السلام عليكم
بدخل بالموضوع على طول

انا عندي قطه شيرازيه عمرها ثلاث شهور ومطعمه

المشكله انه جاها فطريات وتعبت وانا اعالجها مو راضيه تطيب تقريبا لها اكثر من الشهر وانا معاناة علاجاتها كلفتني 300 ريال تقريبا واروشها وانظفها بس خلاص ملييييييييت منها تخف جهه وتصاب جهه ثانيه لو تشوفون شكلها يكسر الخاطر دايم في قفصها عشان ماتعدي احد من قبل كانت دايم تناقز وتلعب وموسعه صدورنا لانها لعووووووبه بس الان تحزن

انا الان ابحث عن مكان يكون فيه فندقه بعلاج للفطريات

ياليت اي احد يعرف مكان كذا يدلني واكون شاكره لكم
واذا طابت بعتها لان الان محد يبغاها
انتظروني ابنزل صورها قبل وبعد واحكمو

وابرسل لكم

[قطرة مطر]

هذي صوره القطه

قبل


بعد


وش الحححل :"( !

[الخبيرة ناديا]

معليه ياقلبي

الفطريات علاجها طويل ولابد من الصبر .

طيب ممكن تشوفين اذنها من الداخل وتقوليلي هل هو نظيف او فيه لون بني؟

[قطرة مطر]

اهلين الخبيره ناديا
ايه اذنها فيها اسود ومادري ايش ووديتها للبيطري واعطاني قطره لها وانظفها يومي باعواد الاذان واذا جلست يومين مانظفتها رجع يكثر مررره تعبت ومليييت

اول مره نربي قطه بس خلاص هونت تعبتني مرررره وما احد يبغاها انا اللي صرت انتبه لها خايفه من العقوبه

[الخبيرة ناديا]

شوفي حبيبتي

اذنها ضروررررري تعالجيها..حتى تخف عنها الفطريات

لان الفطريات الموجوده بقطتك ..سببها الحشرات الموجوده داخل اذنها

اشتري محلول ديرمانتين وضعي نقطه بكل اذن ..طبعا بعد التنظيف العميق للاذن

كرري القطره كل يوم مره واحده لمده 3 ايام..

وبعدها توقفي اسبوع ..ثم كرري العلاج لمده 3 ايام اخرى .

وباذن الله يختفي كل الحشرات.

ولابد وقت التنظيف ..استخراج كل اللون الاسود او البني الموجود داخل اذنها بمنظف الاذن.

والفطريات عالجيها فقط ببيتادين ..

امسحيه على المناطق الخاليه من الشعر ..وباذن الله بعد شهر ..ترجع احسن من اول .

[قطرة مطر]

فيه احد سمع عن واحة الريم او تعامل معهم

رحنا له على وصفه الخميس بس المكان مظلم ومسكر وهو عباره عن بيت بس ما ادري هل هو انتقل او مازال

[MR..MOMO]

لا زياده على كلام --الخبيره ناديا--

[الخبيرة ناديا]

المشاركة الأصلية كتبت بواسطة قطرة مطر

فيه احد سمع عن واحة الريم او تعامل معهم

رحنا له على وصفه الخميس بس المكان مظلم ومسكر وهو عباره عن بيت بس ما ادري هل هو انتقل او مازال

لك رساله على الخاص

[قطرة مطر]

شوفي ياقلبي

بقولك وش عطاني الطبيب
اول شي عطاني علاج كانه حليب بودره احط ملعقه صغيره على ربع بيالة مااء واشربها بالبرواز ياللا تشربه
ثانيا محلول مطهر اسمه بوفيدين
ثالثا بخاخ اسمه لاميزيل
رابعا قطرة الاذن خاصه لأذن القطط
واخيرا شامبو فايف*

[غلاروحي~]

الله يعينك اختي

انا مو خبيره او طبيبه بس بقولك تجربتي

/

انا قطتي جاتها فطريات قليله جدااا

وتعالجت بخلال اسبوعين او اقل

يمكن لانها مجرد بقعه وحده

/
وبعدها شريت قطه ثانيه جاتها فطريات

وكان ينتشر بشكل سريع يعني اعالج مكان يطلع من مكان ثاني

وكنت صابره شهر تقريبا على المطهر بتادين ومرهم كانسن >>اتوقع كذا اسمهم نسيت

المهم ماتعالجت وكان شفاءها بطيئ جدا

وديتها للطبيب اعطاها ابره عشان ماتنتشر الفطريات

واعطاني بخاخ استخدمته يوميا لمدة اسبوعين

وقالي استخدم شامبو نيزورال او افورال من الصيدليه البشرية

وكان الفرق واضح جداا وخلص البخاخ وشريت ثاني وبرضو لمدة اسبوعين

والحين الحمدلله تشافى بنسبة 99% تقريبا


* سمعت ان العلاج النفسي له دور كبير

انا صراحه ماطاوعني قلبي احبس البسه ابدا

كانو اهلي يحذروني وانا اقول عادي اتعادى منها اهم شي ماتطفش لحالها

وفعلا تعاديت بس ماخليتها لوحدها ابدا.

طبعا مااقولك ان هالشي صح

بس حاولي تكونين موجوده معها وتلعبينها وانت لابسه قفاز وبعدها غسلي بالديتول.


وسوري طولت عليك..