حوضي و أسماكي و رأيكم

[basil-ramahi]

اخي الكريم اولا اقرا مواضيع الفهرس حتى تستفيد
ثانيا الجولد فيش ما بعيش الا مع الكوى لانو بدهم ماء بادر وفضلاتهم كثيرة والفايتر طبيعي انها تموت لانها ما بتعيش الا لحالها
نبدا باسئلتك
س1-تغيير الماء بكون كل اسبوع ب25% وبتحط مزيل الكلور وفائدتو انو بشيل الكلور من الماء لانو قاتل للاسماك
س2-حتى نعرف اذا الفلتر مناسب بتقيس الحوض ارتفاع و عرض و عمق(عرض جانبي) و بتضرب القياسات فبعض و بتقسم على الف فمثلا اذا طلع عندك 30 فمساحة حوضك هي 30 ليتر وتحتاج الى فلتر بقوة 300 ليتر بالساعة او قريب
س3-الفلتر بتطفيه بس لما تحط اكل للسمك 2 مرة في اليوم وماتكثر اكل يعني شوي يلي السمك ياكلو كلو حتى ما يضل اشي بالحوض ويفسد و يخرب الماء
س4-تغسل الفلتر مرة بالاسبوع بماء الحوض يلي شلتو عند التغيير لانو بكن في بكتيريا مهمة للسمك تكونت في الاسنفنج و اذا غسلت الفلتر بماء الحنفية المليئة بالكلور رح تقتلها
س5-ما بتقدر تضيف سمك مع الجولد الا الكوى او الكارب وحكيتلك ليش ولا ترد عالبياعين لانهم بس بدهم يبيعو
س6-التوالد لسى بدري عليه و بدو اكثر من حوض لانو اذا ولدت سمكة في حوض او باضت بالاصح رح ياكلها السمك الاخر
الماتور طبعا مهم لانو بحرك الماء و بساعد على ذوبان الاكسجين بالماء

الحصى الملون سام استبدلو بحصى طبيعي برضو بكون في المحلات
ولا تحط اي زينة حادة بالحوض لانها ممكن تجرح السمك

ملاحظة اخيرة:حوضك صغير عالجولد فرح يوسخو بسرعة انصحك اتبدل كل السمك يلي في الحوض (الجولد)باسماك ولودة (بتلاقيها بالفهرس) فهي صغيرة وجميلة و اسهل للتربية.......
واي سؤال نحن بالخدمة...