ارجو الدخووووول تكفووون

[الدلع]

أنا بعطيك تجربتي الخاصة لكن خذ بعين الاعتبار ان مو كل حالة تشبه الثانية .
انا عندي ربو شديد واستخدم علاجات من فترة طويلة والحمد لله خف علي وفي نفس الوقت أموت في البسس وانحرمت من تربيتهم مدة طويلة بعد ما كان عندنا أكثر من عشر بسس نوع بلدي وكنت احبهم كثير واضطرينا نطلعهم لأن الأهل ما يبونهم وش اسوي مكرهة اختك لا بطلة .
وفي ذا السنة يسر الله وجبت بنتين نوع ثاني واعترض الوالد في البداية وبعدين استسلم لما شافني مستانسة عليهم ومسوين جو في البيت وصار كل ما يشوفني يقول وش اخبار عيالك .. عطيتيهم اكل ؟ وانا اقول له يسلمون عليك
الزبدة إني بمجرد ما جبتهم صرت أحس بكتمة والربو بدا يرجع مثل اول واختي زاد عليها لأننا أكثر من يخالطهم وخصوصا انا ومع الوقت بديت أتأقلم وكأنهم غير موجودين أما اختي فمسكينة طول الوقت معها دواء الربو
يعني وجودهم ما يأثر على والدينا صحياً على اساس ان البسس نظيفة ومطعمة لكن في مسألة الربو تأثرت اختي اكثر شي بس هي مثلي تحب البسس ومتحملة لهذا السبب
يعني شوف إذا أحد من الوالدين ممكن يتأثر بوجودهم فأنصحك تشيل الموضوع من بالك لأنهم الاساس وتأكد ان الله بيعوضك خير لأنك حرصت على صحتهم قبل كل شي
انا قريت ان القطط السيبيرية هي أخف الأنواع المثيرة للحساسية لكن للأسف الحصول عليها بالنسبة لنا صعب فلازم توصي عليها من برا
والمون فيس حلو وهو المفضل بالنسبة لي