الافريقي واسعاره الافادة والتوجيه مشكورين

[العـامـودي]

السلام عليكم ورحمة الله وبركاته..
تحية طيبة للجميع..


اخواني الهواة والخبراء.. افادتكم العاجلة..

كاسكو الافريقي.. عمره - على ما يقول الدكتور- 6 شهور..
وفعلاً.. دخلت يدي ومسكته هادئ جدا ً.. عيونه سودا وهذي علامة الطفولة.. أظن..!!
المهم هنا..!!
استغربت انه نشاطه جدا ً ضعيف.. مدري هي علامة الألفة والإستئناس.. او خمول يعني ضعف يعني مرض..!!



يقولي بـ 2600..!!
وصحي ونظيف مافيه اي علة..

وش رايكم يسوى..؟
لأن الدكتور حذروني كذا واحد منه.. كلن له موقف سلبي معاه..

ارجو جميع الخبراء واصحاب المعرفة والاختصاص إفادتي العاجلة..
لأني معجب بالببغاء جدا ً.. بس صار لي موقف في درة هندية من قبل ما انساه..وخلاني أتعقد..


--- المطلوب..
تقدير سعر الطير..
ايضاح علامات تحديد العمر..
وتفسير هدوء الطير.. خوفي انه ضعف ..ماهو الألفة..!
واي معلومة مفيدة بشراء طائر جديد..

وفق الله من يساعدني بكل خير..

اخوكم العامودي.

[old-alkasiko]

أخوي إذا أنت تقصد ببغاء إفريقي [ غير محجل ] فالسعر إلي أنت حاطه غالي جدا ، والبنسبة لهدوء الطير إذا كان الطير في حالة خمول سواءا دخلت يدك أو لا فهذه من علامات مرض الطير غالبا ، أنصحك إنك تبتعد من هذا الطير بسبب احتمال إصابته بالمرض وارتفاع سعره ..
والأخوان يفيدونك أكثر..

[العـامـودي]

بارك الله فيييك اخوي old-alkasiko

بخصوص التحجيل.. افتكرت للتو ان فيه حلقة حول قدمه اليسرى تكررم.. بس ما دققت النظر فيها ..
بأعاود الافادة بسنة الانتاج منها... ان كانت هي..!

والسعر ما ادري.. هل فعلا الكاسكو ال6 شهور يعتبر فرخ بهالعمر..؟ وعليه يستحق هالسعر..؟
هل هذا السعر معقول..؟
او ممتاز ولقطة على ما يقولون..

عموما شكري وتقديري لإهتمامك وردك..

وبإنتظار مزيد من إفادات الشباب واصحاب الخبرة..

[العـامـودي]

للرفع يا اخوان..

بحاجة للمساعدة والافادة ..

[بلاك بيري]

السلام عليكم ورحمه الله وبركاته

تحيه طيبه اخي الفاضل وبعد

الطير الي تفضلت بوصفه هو الرمادي الهولندي حيث انه محجل

وهذه الطيور مشهور عنها قدرتها على اخذ المرض بسهوله وذلك لضعف مناعتها

ودام انه الطير خامل من الاصل نصيحه خلك بعيد علشان لا تزعل عليه ان صارله شي

واسعارها ان كانت اليفه وسوبر جامبو وتطلع على اليد وفرخ عمر اقل من 8 اشهر والريش رمادي فاتح وصحتها ممتازة تكون ب 2200 ريال او اقل السعر اشوف انه غالي نوعا ما

اتمنى ان اكون قد لبيت ندائك واجبت عن استفسارك

تحياتي

[العـامـودي]

بارك الله فيك اخوي بلاك بيري..

والله مدري ياخوي.. وربي تعلقت بالطير..

امس مريت مرة ثانية.. واطمئنيت كذا ..

دخل قلبي اول ما حكيت له راسه جا يرخي راسه عندي بالقفص ههههههههه

بحاول انظر في محلات عندها نفس الهولندي هذا بس يكون اكثر نشاط.. ومطمئن..

مشكور لاهتمامك وووقتك بالرد وشاكر لك كثير..

[بكاتشو]

اخوي العامودي
السلام عليكم معروف الكاسكو الهولندي ببغاء راح تحبه بشكل جنوني والسبب انه أليف تحس انه دميه مو حقيقه وتلعب معه طول الوقت وهو يعتبر الانسان هو امه وأبوه لانه تفريخ مزارع وأكل وشرب على ايدي الانسان وكذا هو مجرد تحط له الاكل والماء يومين راح يتعرف عليك
يعني بيكون عندك اكثر من ببغاء بوقت واحد ذكاء الكاسكو + تحدث الكاسكو + تعلق الامازون بصاحبه + وغيرة المكاو + ولعب الكوكاتو=كل هذا بطير واحد وهو الكاسكو الهولندي
لكن اهم ملاحظه : انك تاخذ الببغاء كبير يعني من سنه واكثر لان الصغير عادة ما يكون عنده مناعة وفي الغالب يموت الا اذا انت بتابعه كانه طفل توه مولود ههههههههه يعني لا برد وتعقيم ونظافة وأبعاده عن ايدي الاطفال ولا يكون بالبيت اي حيوان او طير ثاني لانه يكسب المرض بشكل سريع وهو صغير
حاول تشتريه من شخص مربيه يعني من بيت وخل عنك المحلات لان طيورهم تنقل المرض لبعضها فتابع بالنت تحصل واحد مسافر بعثه ومضطر يبيعه بس تأكد تراء كل الشريطيه بيروحون بعثات
اذا أخذت الطير اكبر من سنه بيكون مدرب يطلع على اليد ويتكلم طبعا أشرط الكلمات على البياع او يرجع الطير هو بيعطيك اسبوع او مقاطع للببغاء وانت احكم بس تأكد انه نفس الطير
باقي شروط نظافة ريش الطير وتشوف تخريجه وعيونه تلمع ونشيط ورجوله ما فيها عيوب والريش مكان الإخراج نظيف مافيه بقايا لاصقه بالريش
طبعا طير زي كذا بيكون سعرة من ٣٠٠٠ حتى ٣٥٠٠ ريال والإخوان الاعضاء يفيدوك اكثر بالسعر
أسف يمكن كثرت عليك كلام بس لأني ما أبغى ينظر مسلم يستشير وانا املك المعلومه ومتأكد منها ولا ارد رد شافي ووافي
والله يوفقك اخوي *

[بلاك بيري]

ماشاءالله تبارك الباري افادكم اخونا بيكاتشو بشكل كافي ووافي ربي يوفقك بأختيار الطير المناسب لكن فعلا الهولندي انا جربته وغريته بيدي ونصيحتي ان ماكان لك الخبرة الكافيه للمحافظه على هذا الطير شوفلك طير يساعدك اكثر ويستعدك اكثر انت ممكن تدفع نفس المبلغ او اقل في افريقي لكنه حجم وصحه وفرخ ولون وكلام وولافه وعلى اليد ومع الشبك بعد ههههههههههه

ربي يوفقك

تحياتي

[بكاتشو]

الله يرفع قدرك اخوي بلاك بيري تكفي الشهاده منك من واحد خبير
والله مو مجامله ولا ريا وبصرف النظر عن ردك لي
يعلم الله أني اطارد ردودكم ( بلاك بيري ) و (ناستازيا) في كل موضوع لأني في كل رد لكم احصل معلومه بين السطور استفيد منها
والله يخليكم ذخر لهذا المنتدئ الرائع

[بلاك بيري]

شكرا شكرا شكرا على كلامك الذواق الي يدل على طيبك واصاله معدنك وان احتجت اي شيء ترانا بالخدمه