أبغا حل ما أبيه يموت

[ابو ريمان]

اخوووي الغالي الله يسعدك

هل الطير صحته ميه ميه يعني نشيط ولا فيه خمووول !!!!
هل الطير شهيته مفتوحه ولا معدومه !!!!!

اخووول اذا كان الجواب بنعم يعني صحته ميه ميه وشهيته مفتوحه ونشيط
لا تستخدم ولا شي فقط بعد عنه الاكلات اللينه يالغالي
وحاول قدر المستطاع انك تحط الطير في مكان جووووه معتدل لا بارد ولا حاااار

يالغالي ما تحكم على الطير انه مريض في خلال يوم او يومين مجرد رؤيه برازه غير مناسب
احيانا اطير يبرز بشكل عشوائي يعني يكون برازه شوي ثقيل ويومين كمان يكون برازه خفيف

اعطيك مثال بسيط يالغالي فينا نحن كبشر ( واعذرني على طرح هذا المثال لأجل التعلم )

يعني انت بكرامه الله يسعدك احيانا بطوننا معرضه يوم تلاقى برازنا ثقيل وامساك\
هل هذا يعني يدل اني مريض بالعكس انا بكامل صحتي ونشاطي

وبعد اسبوع بعض الاحيان يجينا براز على شكل اسهال وانا بأتم الصحه
يعني انا مريض !!!!!!

البطن يالغالي يتقلب على حسب الاكل ماهو من اول براز راح اجيب علاج علــ طومل
اكيد راح اشوف اذا الوضع مستمر بهذا الشكل يعني في بطني فيه شي

وكذلك اخوووي الطير انت بعض الاحيااان تأكله اكلات اللينه من الطبيعي راح يكون برازه
على شكل سائل وتقوم تراقب الطير وتغير نمط غذاؤه
وبعض الاحيان تعطي اكل مليئه بالفيتامينات والدهون الدسمه
من الطبيعي راح يكون عنده امساك تقوم تغيير نمط غذاؤه
يعني يا اخوووي هذا ماهو مرض يالغالي وتحكم بسرعه

وبعض الاحيان الطير في وقت الخوف يجيه اسهال
هل تحكم انه مريض !!!!! ماهو مريض هو خائف

يعني الخلاااصه يالغالي لا تحكم علـ طول انه مريض مجرد رؤيته من اول براااز

اخووي اذا كان الطير مريض اول شي راح تلقى الطير ماهو نشيط راح تلقاه خااامل ونافش ريشه
وتلاقاه ماهو متحرك فقط في مكان واحد وراح تلقى شهيته معدومه ما ياكل كثير

هنا تقول ان الطير فيه شي مريض

انت راقب طيرك يالغالي واعطينا خبر الله يسعدك
واعذرني علــ اطاله يالغالي فقط اردت ان اوضح لك اكثر لكي توصل الفكره اللي في راسي