أسألهـ عن الصوص و الدجاج

[abo abdulaziz]

السلام وعليكم ورمحة الله وبركاته


كل عام و انتوا بألف خير


عندي شوية اساله عن الصوص ابي اعرف اجوبتها

اخوي الصغير واحنا نتمشى شاف واحد يبيع صيصان عاد تعرفون الصغار اذا شافوا الصوص وش يسون المهم شريناه وانا كنت ظامن ومتاكد يعني انه بيموت بكره او بعده لاكن الغريب انه عاش 9 ايام وللحين عايش ونشيط ويركض ويطير ويصير ويمشي وياكل ويشرب يعني نشيط كره انا استغربت مامات هل هو بيعيش كثير مع العلم انه سافر معنا مرتين خخخخخخخ يعني غريبه تغير الاجواء ما أثر عليه الأسأله تتوقعون بيعيش كثير ووش اخليه ياكل انا اكسرله اي شيء خفيف يعني كوكيز او معمول او شبس او زي كذا وعادي ياكل بس هذا زين ولا لا واعطيه لمدة متى وكيف اعرف كم عمره ؟
وحطيته مع الدجاج خخخخخخخخخخخخخخ جننهم كلهم يخافون مره لدرجة الديك نفسه يخاف منه ويركض يحاول يبتعد فيه ديك يخاف من صوص طول رجله والدجاج يخاف الا وحده كانت راجنه من فتره على 15 بيظه لاكن للأشف كلتهم كلهم ولاحظت انها للحين عرفها احمر مرره و كأنها صايره نشيطه وحركه بسرعه و و بالليل تطلع نفس الصوت اللي يوم كانت ترجن تطلعه ويوم جبت الصوص هي الوحديه اللي حاولت تنقره يعني ابتعدت عنه و جاها تحاول تنقره بعدين تتراجع وتحال وتتراجع وهي نفس كل الدجاج يخافون منه ويهربون ليه ؟ كيف لهدرجه يخافون منه

[bird96]

تفضل هنه :

http://www.2zoo.com/vb/showthread.php?t=236143


طعميه رز مطبوخ من اكل البيت او حب مثل ذرة مطحونه وأهم شيء توفير المياه لأنه صوص يمكن معدته تمسك وما يستحمل يموت

[ابـ اروى ـو]

المشاركة الأصلية كتبت بواسطة abo abdulaziz

السلام وعليكم ورمحة الله وبركاته


كل عام و انتوا بألف خير


عندي شوية اساله عن الصوص ابي اعرف اجوبتها

س1 هل هو بيعيش كثير مع العلم انه سافر معنا مرتين خخخخخخخ يعني غريبه تغير الاجواء ما أثر عليه الأسأله تتوقعون بيعيش كثير

س2 ووش اخليه ياكل انا اكسرله اي شيء خفيف يعني كوكيز او معمول او شبس او زي كذا وعادي ياكل بس هذا زين ولا لا واعطيه لمدة متى وكيف اعرف كم عمره ؟

س3 كل الدجاج يخافون منه ويهربون ليه ؟ كيف لهدرجه يخافون منه

هلا اخوي كل عام وانت بخير وصحه وسلامه
الله يخلي لك اخوك ويسعدكم ببعض
من ناحية انه يعيش فهو يعيش ولا احد يقدر يفتيك لان لاعمار بيد الله
ولكن ربما انه وجد اليد الحانية والشخص المهتم لذلك لم يتعرض للمرض وعاش
مثل الي انت تطعميه واذا حطيت له الأرز المسلوق او بقايا الاكل وتكون قطع صغيره واذا تبي تدلله اكثر ممكن انك تشري له العليقه المتوازنه حسب المرحله وممكن انك تقدم له الدخن وكذلك القمح المجروش او الشعير المجروش او الذره بأنواعها وجميع انواع ابوقوليات تقدر تجرشها وتقدمها له فالأمر بسعه فاختر ما شئت
اما من ناحية العمر فلا نستطيع ان نحكم على عمره او نخبرك عن طريقة معرفة العمر الا من واقع صوره له وكذلك من واقع خبرتك وتعرفك على مراحل نمو الصوص والتغيرات التي تطرا عليه من الحجم والريش والعرف وغيره من العلامات التي ستلاحظها وتربطها بالعمر فهذه مع الوقت والمتابعة تكتسب خبره فيها
اما كون الدجاج يخاف منه فهذا شيء عادي لانه دخل عليهم غريب وربما انه من الصوص الملون فلذلك سدجدهم يخافون منه ولكن لن يدوم هذا الخوف كثيرا فسيحدث احد أمرين اما انهم سيتالفون ويتعايشون مع بعضهم وهذا مستبعد ولكن قد يحدث
او انه سيتبدد الخوف وسيهجم الديك عليه ويرديه قتيلا او انه سيبحث عن الحضن الدافئ وسيتوجه الى الدجاجة الراجنه وستكتشف ان متطفلا قد اقتحم وكرها وستطرته وربما تقتله
اتمنى أني وفقت بالرد على أسألتك
تحياتي وتقديري
دمت سالما

[mkdsh]

ماقصر الغالي بو أروى .,

ومبروك عليك الاشراف وعقبال الادآره ..

موووفق ان شاء الله

[abo abdulaziz]

ويخليكـ والله غريب انا قبل مربي ومدلعهم مره وكل شيء ويموتون لاكن لاحظت انه اذا اعطيته حريته ينطلق ويلف ويدور واذا دخلته بلكرتون يحاول يطلع بأي طريقه جنني ادخله من فتحه يطلع من فتحه اصك كل الفتح فجاه القاه طالع ابليس بسم الله ماقهمت كلامك على موضوع الدجاجه الراجنه ليه كذا عرفها و صوتها بليل مايوقف لاكن مارجنت ليه ومع انه فيه بيض

هو الله يسلمك عرفه تقدر تقول توه طالع يعني اقدر اشوفه بس اذا قربت منه من بعيد ماقدر ولون عرفه اصفر زي كذا و جناحه كأن اللون بدا يروح من الجهتين يعني فيه ابيض عن جناحه

يعني الدجاج هل هم خايفين منه ولا بس مايبون يأذونه لا اعرفهم سنه سنتين ويتعودون اغلب الدجاج كذا وبعد سنه يكون هواش بسيط انا مابغى احطه معهم الا بعدين بس ابي اشوف فيه وحده تعطف عليه وتحن عليه وتربيه طيب الدجاجه ليه ماتربيه مدامها كانت راجنه وتبي صوص ؟
والديك ليه يخاف بعد


[وسيتوجه الى الدجاجة الراجنه وستكتشف ان متطفلا قد اقتحم وكرها وستطرته وربما تقتله]

هاذي مافهمتها والله

طيب غريبه الديك للحين يلقح كثير ونشيط مره وكبير وعمره 3 او 4 سنين اللي اعرفه خلاص مايلقحون لاكن هو غريب يلقح بليوم 10 7 مرات مع انهم 3 دجاجات بس

[سميح]

لالالا لا تضعه مع الدجاج لان الدجاج سيقوم بقتله
أما بالنسبة لدجاجتك فهذا شيء عادي
علما أن في مجتمع الدجاج تكون هناك دجاجة قوية ومسيطرة على باقي الدجاج بعد فرض سيطرتها من خلال ضرب ونقر باقي الدجاج حيث تكون هذه الدجاجة مقربة من الديك من المرتبة الأولى وتصل فترات التلقيح مرة كل يوم وبعدها تأتي الدجاجة الأضعف وهكذا الى آخر دجاجة حيث يقوم الديك بتلقيحها مرة كل أسبوع
أما بالنسبة للصوص أطعمه عليقة متكاملة (علف دجاج) وسمسم

[abo abdulaziz]

يمكن هي الكبيره بس مستحيل تجي الديك اذا حاولت تظربه يلحقها وتشوف القفص بيتكس من خوفها وهي تهرب وكانت ماتبيض ولا تبيه يلقحها لاكن شكلهم حلو الأمور والحين بدت تبيظهي المسيطره بس ماتظرب الدجاج الحين ابدا وعندها دجاجه من 4 سنين من اول ماجبناهم وهي معها ماعمرها ظربتها ودايم جنب بعض يعني كانهم اخوان يحبون بعظ مره ليه ؟؟ ولا مرره ظربوا بعد