الكاسكو الجديد و مشورتكم

[hgpg,m]

هذا صور الكاسكو الجديد الى شريتة و انا مبتدي ولو تكرمتو كم عمرة و هل صحتة جيدة علماً ان يخلي جنحانة مرتخية على جنب مثل الصور الثانيةوكيف ريشة وشكراً وكل عام و انتم بالف خير

[صوغة]

الف مبرووووك عليك

ويتربى بعزك

انتبه له من البرد ومن تغيرات درجات الحراره على غفله

يعني لاتنقله من مكان بارد لحار ولا من حار لبارد

انتبه له من تيارات الهوى

ونصيحة تاخذه لبيطري يكشف على فضلاته أعزك الله ويعطيه طارد للدود ومضاد وفيتامين

لان الطير الجديد جاي من مكان كله طيور والله العالم بصحتها وأمراضها ..

وبصراحة مستغربه من تنزيل الاجنحة اذا البيت مو حار فتنزيلها جذيه غريب..

الفروخ الصغيروونه تنزل اجنحتها جذيه يمكن لانه مازال فرخ

ان شاءالله يدخل من يفهم أكثر ويفيدك أكثر

[hgpg,m]

شكراً اخوي مدرب البادجي على اهتمامك و شكراً اختي صوغة و بالنسبة للخشبة توني حاطها له يعني اجنحتة كذا قبل وهو في القفص بس حطيتها له عشان الاكل اذا جاع ينزل و ياكل وودي اعرف درجه الحرارة المناسبه لة والله يعني علية ورطوني عيالي فية ولا ودي اتوثم فية والله اني حريص على راحتة ام بالنسبة للطبيب البيطري ماحولي احد الين اروح للرياض و اودية والله شغلة و بالنسبة تيارات الهواء اقدر اخلي لة الصاله باردة بدون مايجية تيار هواء اخلي لة المكيف على درجة 25 هل تناسبة و لا لا
و عيدكم مبارك والله يتقبل صالح الاعمال و يعتقناء جميعن من النار

[ابو شيخه 11]

ماشاء الله تبارك الرحمن طيرك عمره بحدود 8 شهور طآئرك جميل انتبه له وبخصوص تنزيل جناحه هذا دليل على راحة الطائر في المكان المتواجد فيه بخصوص المكيف ماعليك حطه بصاله بس لا تشغل المكيف او حطه في السيب وموفق خير ماعليك من درجة الحراره اهم شي لا تجيه شمس قويه آخوي يعني الصاله او السيب مكان حلو يكون الطير معلق بمكان مرتفع 2-3 متر وخلو الطير بحاله بس غيرو الماء والاكل لمدة سبوعين لين مايتعرف عليك انت وعيالك واي شي تبيه حنا بلخدمه بخصوص الترويض كل عام وانت طيب وينعاد علينا وعليكم بكل خير .

[hgpg,m]

شكراً ابو شيخه 11 و ما قصرت و لا نستغني عن مشورتك و مشورة جميع الاعضاء
يعني هل تنزيل الجناح علامة من علامات الراحة
و كل عام وانتم بالف خير