اشترك في نشرتنا البريدية ليصلك كل جديد

تشآرلي · 24-08-2011, 10:42 PM

السلام عليكم

اخواني الاعزاء

انا عندي كاسكو هولندي توه جديد معاي عمره 9 اشهر

صار له 10 ايام

للحين مايخليني امسح عليه بكثره

لكن لما احاول اروشه يخاف وينزل راسه اتجاه المويه ويصيح وهوا خايف

صار له 10 ايام وماروشته وانا اخاف عليه لا يتعرض للمرض

( انا اروشه بالبخاخ بماء دافئ وبوقت يكون الجو حار الساعه 9 صباحآ والغرفه دافيه لحد اني اصب عرق بداخل الغرفه )

فما ادري ابدا اجبره على الترويش ولا اخليه فتره اكثر عندي ؟؟

س2 : اكل الطير عندي كثير ( ماشاء الله ) باليوم يخلص المشربيه كامله بالحب الشمسي وحبوب مشكله + ربع تفاحه + 20 حبة عنب ويريد اكثر !! هل هذا عادي ؟

من الرغم طيري الكاسكو الثاني ياكل النص وعمره سنتين !

س3 : يحب العنب مووت وكل يوم ياكل مقدار اكثر 20 حبه غير اكله الحب الشمسي ، هل العنب يوميا يأثر عليه ؟

س4 : امس شكيت انه عنده دود ( اشوف جسمه نحيف )، رحت للبيطري واعطاني دواء حبوب طحنها واحطها بالمشربيه وبعد 15 يوم اكرر الطريقه !! هل لو ماكان عنده دود الدواء يأثر عليه ؟ من الرغم الدكتور قالي عادي واصلا لازم تعطيها كل شهر تكون حمايه له !

س5 : عندي كاسكو هولندي وواحد افريقي وناوي اشتري بلوفرنتد ، هل يسبب مشكله من الرغم كل واحد بقفص وكل واحد بزاوية لوحده ( مع العلم ناوي استغنى عن الافريقي ) ؟

اسف على الاطاله

صوغة · 24-08-2011, 11:57 PM

وعليكم السلام

بالنسبة للترويش عادي حطه بالحمام أعزك الله وبخ عليه مره كل اسبوعين

بس لو تاركه اسبوعين ومروشه كان افضل يمكن يكون قل خوفه

بالنسبة للأكل أجابك البيطري عنده دود ومعروف الطير اذا عنده دود ياكل وايد ولا يبان على جسمه

وطريقة البيطري صح عطاك علاج للدود وعلاج وقائي عن الدود كل اسبوعين

كلنا نعطي طيورنا علاج وقائي عن الدود حتى لو مافيها دود لانه احتمال يظل بيض يفقس فيما بعد ببطنه

أعطه علاج وقائي عن الدود شهريا ماراح يضره

لكن بعد العلاج الآولي للدود الي تتبعه الحين ياليت تعطيه فيتامين 3 أيام لان جدار المعده يكون

شبه متآكل من الدود والفيتامين يساعد على علاجها وقوه مناعته

بالنسبه لكثرة أكله من العنب .. كثرة أكل الفاكهة تسبب أسهال خفف من أكل الفاكهة

عطه 3 حصص بالاسبوع يعني يوم قطعة تفاحة يوم عنب يوم كمثرى وهكذا

و3 حصص خضار بالاسبوع خس او خيار او قطعة كوسا مسلوقة او حزر مسلوق او عدس او ذرة صفراء الخ

بالنسبة لسؤالك الاخير يفيدونك المختصيين ان شاءالله

اتمنى اكون أفدتك

تشآرلي · 25-08-2011, 12:20 AM

الاخت صوغه

بارك الله فيك واشكرك على الاجابه

جعله في ميزان حسناتك

لكِ كل الاحترام والتقدير

اما من ناحية السؤال الاخير اتمنى من الاخوه مايقصرون خاصه المجربين