كسور في القط

[pink-h-]

السلام عليكم ورحمة الله وبركاته
عندي قطه صغيره عندها كسرين في يدها اليمين بسبب قط كبير هجم عليها وضربها
وديتها اليوم للبيطري اللي بواحة الحيوان الدكتور سيد وقالي لازم نجبس اليد وسمعت ان الجبس يحبس الدم وله اضرار ووديتها لبيطري فلبيني في ارض الحيوان قالي لازم تسوون لها جراحه يحط لها زي الاسياخ مكان الكسور ولا نحقنها بالمضادات لحد ماتلتئم من نفسها وقالي العملية بتكون في العيادة البيطرية المتقدمة ولا ادري بصراحه هل العملية بسيطه ولا صعبه اخاف اسويها لها وتجيها مضاعفات واخاف مااسويها وتجبر غلط اليد او يصير شي لا سمح الله انا متخوفه من العمليه
هل سبق احد سواها قبل كذا ؟ هل هي صعبه العملية؟ هل من حلول اخرى ؟؟ ساعدوني جزاكم الله خير هل في احد يعرف بيطري سوا هالعملية قبل وضبطت معه ؟؟ سااااعدوني

[شاهستا]

وعليكم السلام ورحمه الله
اكيد الجبس افضل من العمليه التانيه دى!
بس لو القطه حالتها صعبه ومحتاجه العمليه التانيه دى اعمليها
بس لو الجبس كافى يبقى هو احسن حل

[pink-h-]

المشكله مااعرف اي حل هو الافضل للقطه
ولا اعرف درجة خطورة العملية ولا فائدة الجبس ماعندي اي خبره بالكسور
ياليت تساعدوني بالحلول وتكون عن تجربه والله شكلها قطع قلبييي ماتقدر تحرك يدها

[الخبيرة ناديا]

اهلا وسهلا فيك اخي الغالي

بخصوص قطك ..

1- هل تم عمل اشاعه سينيه له للتاكد من نوعيه وحجم الكسر !!!

2- هل لاحضت انتفاخ وورم كبير بمكان الكسر؟

انتظرك حتى افيدك اكثر

[pink-h-]

للحين ماسويت له اشاعه بس دكتورين وكلهم نفس الكلام انو كسرين مو واحد بحاول الصباح اوديها للعيادة البيطرية المتقدمة اشوف بس ماتقدر تحرك يدها نهائياً وتألمها كثييير بالنسبه للانتفاخ ماادري بصراحه هل فيه انتفاخ او لا
بس هل العملية خطره ؟؟

[الخبيرة ناديا]

ياقلبي لازم لازم تتاكدين من الكسر بعمل اشاعه ..

ولاتعتمدي على بياطرتنا هنا ( الله بالخير) وياما حالات مررت علي ويكون تشخيصهم خطاء

لان بمجرد مايمسك ايد القطه يعرف انها كسر !! ليش ساحر!!

اتمنى اتمنى تاخذينها لمركز متقدم حتى تتاكدين من حالاتها والتشخيص التمام .

وبخصوص العمليه ..

نصيحه مني لاتعمليها هنا ...لان ماعندنا مستشفيات بيطريه متخصصه في العمليات الخطيره

وخصوصا عمليات العظام .

لان اي خطاء فيها ممكن يسبب شلل دائم او اعوجاج في مكان الكسر ..

الله يشافيه لك

[pink-h-]

كلامك خوفني اكثر وش اسوي الحين ؟؟؟؟
يعني اوديها للعيادة البيطرية المتقدمة ؟ ولو كلهم قالو العملية هي الحل وش اسوي يارب يارب يارب ساعدني

[الخبيرة ناديا]

روحي عياده متقدمه حتى تعمليلها اشاعه وتتاكدين بنفسك من انها كسر او ممكن شعر او رضه

وكلها احتمالات والاشعه تبينها تمام .

وعليها يقرر البيطري كيف بيكون وضع القط ..

لو كان كسر خفيف بيعمله تجبيره كم شهر

واذا كان كسر مضاعف ممكن عمليه .

واذا كان مجرد شعر بسيط في العظم مايعمليها غير رباط ضاغط لمكان الكسر .

ان شاء الله بسيطه ولاتخافين .

وطمنيني عنه

[pink-h-]

الله يعين جزاك الله خير
من الصباح بوديها وبشوف الله يعين