كلبي الصغير فيه اسهال ساااعدوني ضروري

[كراميل111]

السلام عليكم ورحمة الله وبركاته

اخواني عندي كلبين عمر شهرين .. من نوع هافينيز

لاحظت صارلهم 3 ايام تبرزهم قليل .. وواحد منهم عمل اسهال

اما الثاني بصراحة مااعرف لانهم دايما مع بعض

انا لسه ماطعمتهم ولا اعطيتهم دواء ضد الديدان بس اشوف الاسهال

مافيه دود ولا شي

وبالنسبه لهم يلعبون بشكل طبيعي ولايعانون من تعب او خمول الحمد لله

بس ينامون اغلب الوقت و أكلهم بسيط جدا يعني مايكلون كثير ..

اعطيهم بيض مسلوق وكبده !!

كيف اقدر اعالج الاسهال .. ولو اعطيتهم محلول جفاف مع الاكل عادي؟

ولا لازم اوقف الاكل اذا بعطيهم محلول جفاف ؟

[Abo_fahed]

وعليكم السلام ورحمة الله وبركاته ..

لاحظت صارلهم 3 ايام تبرزهم قليل .. وواحد منهم عمل اسهال

اما الثاني بصراحة مااعرف لانهم دايما مع بعض

لازم تراقب التبرز بعد الاكل حتى تتاكد

-ـ-ـ-ـ-

انا لسه ماطعمتهم ولا اعطيتهم دواء ضد الديدان بس اشوف الاسهال

مافيه دود ولا شي

الديدان موشرط تطلع مع التبرز لكن راح تلاحظها بعد اعطاؤه الدواء

وبما ان الي عندك اعمارهم شهرين

انصحك بهذه الادوية لعلاج الديدان والاسهال : -

1 - علاج الديدان

اسم الدواء : Worm Ban

اسم الشركة : TROY

طريقة الاستعمال : تعطيه للجرو على معدة فاضيه >> بعد 8 ساعات من آخر وجبه وتركه لمدة ساعتين على الاقل

ليأخذ مفعوله باستعمال القطارة الموجوده على العلبة الي لونها احمر


الجرعة : ML 1 لكل 1 كيلو



-ـ-ـ-

2 - علاج الاسهال : -

اسم الدواء : Peptosyl

طريقة الاستعمال : استعمل ابرة الشراب لاطعامها للجرو

الجرعة : 0.25 ML لكل كيلو

يعني لو كان وزن الكلب بالكيلو 10 تعطيه >> 2.5 ML



-ـ-ـ-

3 - دواء الجفاف : -

مهم جدآ جدآ بعد اعطاء الكلب دواء الاسهال وعدم اطعام الكلب لمدة 12 ساعة حتى يستخرج الكلب

كافة السوائل والاسهال الي داخل بطنه

مع اعطاء الكلب الماء وتوفيره له بشكل دائم لانه سيكون عطشان طول الوقت بسبب الفقدان الي يتسبب له

ومع هذا يجب اعطاؤه دواء الجفاف على كثر المستطاع يعني لو ساعه او نص ساعه مايضر

ويفضل استخدام هذا الدواء وهو متوفر في الصيدلية البشرية

اسم الدواء : O.R.S

وطريقة التحضير موجود على العلبة بالخلف

-ـ-ـ-ـ-

اخي الكريم

يجب ان تعلم ان الاسهال >> ليس مرضآ

بل هو عرض يصاحب امراضآ وولاسف بعضها خطير مثل >> البارفو

يجب الاهتمام لمثل هذه الاعراض وخاصة اذا كان مصاحبه دم >> خطير خطير جدآ

-ـ-ـ-

اعطيهم بيض مسلوق وكبده !!

البيض اخي الحبيب ممكن يسبب اسهال ويسلك البطن للجرو

ابتعد عنه في الوقت الحالي انتظر حتى العلاج وبعد ذلك اعط الجراوي

بيض نيي مخلوط مع حليب خالي الدسم لكن >> يجب ان تكون حذر بالكميات ويجب اعطاؤها للجراوي

بشكل تسلسلي >> في البداية حليب مخلوط مع ماء وكمية الماء تكون اكبر

وكل 3 ايام تزيد الكمية للحليب وتقلل كمية الماء وتستبدلها بالبيض

-ـ-ـ-ـ-

ولو اعطيتهم محلول جفاف مع الاكل عادي؟

لا اكتفي باعطاؤهم المحلول مع الماء لمدة 12 ساعة حتى يزيل الاسهال

-ـ-ـ-

ولا لازم اوقف الاكل اذا بعطيهم محلول جفاف ؟

تمت الاجابه عليه من قبل

-ـ-ـ-ـ

موفق ان شالله يالحبيب ومايشوفون شر ان شالله

[Nona999]

وعليكم السلام ورحمة الله وبركاته ..

اخوي بالنسبه للطعام غير كافي هم فـ مرحلة نمو وبحاجة عناصر غذائيه لاجسامهم..

قبل كل شي لازم 1- تطعمهم بـ اقرب وقت عشان تحصنهم من الامراض المعديه ..

ومحلول الجفاف كويس يعوض السوائل المفقوده نتيجة الاسهال ( عزك الله )..

و بخصوص الاسهال ( عزك الله ) هل هو مدمي ( فيه بعض الدم ) ؟

ومع هذا لا اعتقد انه مدمي ..

ولكن اذا هو مستمر معاه مدة الثلاث ايام روح لصيدليه البشريه واطلب دواء فلازول 3 سم مره واحده بعد الاكل لمدة ثلاث ايام بـ انتظام..

ولكن يجب الاهتمام بـ الاكل ..

3 وجبات بـ اليوم ..

دراي فود خاص فـ نوعهم + كبد دجاج مسلوق او رز مسلوق مع خضار مسلوق

وبالتوفيق

[كراميل111]

مشكورين على افادتكم .. لاحظت اليوم ان كل الاثنين تبروز عادي بدون اسهال

وراح اتابعهم

[Abo_fahed]

الحمدالله افرحتني يارجل

لان الاسهال عرض خطير

الله يحميهم ويشفيهم

واي شي يحصلك كان ما كان لاتتهاون اخي الكريم

[pitbull terrier]

بـــــــــــارك الله فيك يـــــا ابو فهد و في والديك ..

جزاك الله كل خيرا على هذه الاجابة الشافية و الوافية ..



وكمان ما ننسى الاخت نونا وفقها الله ورعاها ..

ابطال ما شاء الله عليكم اجابات رائعه ..

بالنسبة للاخ كراميل111 ..:

اخي اهتم بالكلب جيدا جدا ..

واعلمنا باي تطور يحدث معك ..

موفق باذن الله ..

[كراميل111]

شكرا لكم كلكم

الصراحة الكلبين انا مااعطيتهم اي شي للاسهال

بس لاحظت انه اختفى بعد يوم من كتابتي للموضوع

والحمد لله هم الحين بصحة جيدة بس متعبيني في الاكل

ماياكلون كثير ولا ياكلون اي شي .. بس كبدة

وانا ابيهم يسمنون وينتفخون

[Nona999]

بالنسبه للشهيه ..

امر بسيط بأذن الله ..

هم يحبون الكبده وهذا شي كويس ..

جيب دراي فود ( خاص فـ نوع الكلاب ) واضف عليه ماء قليل مده خمس دقائق وبعدين بعد سلق الكبد تضاف ماء السلق + الكبد ويخلط جيدا بحيث يضطرون انهم ياكلون الدراي فود معه ..

والكبد حاول تخليه تحت الدراي فود او تهرسه وتخلطه عشان مايحصلون عليها بسرعه ويضطرون ياكلون الدراي فود..

وبالتوفيق

[Abo_fahed]

المشاركة الأصلية كتبت بواسطة Nona999

بالنسبه للشهيه ..

امر بسيط بأذن الله ..

هم يحبون الكبده وهذا شي كويس ..

جيب دراي فود ( خاص فـ نوع الكلاب ) واضف عليه ماء قليل مده خمس دقائق وبعدين بعد سلق الكبد تضاف ماء السلق + الكبد ويخلط جيدا بحيث يضطرون انهم ياكلون الدراي فود معه ..

والكبد حاول تخليه تحت الدراي فود او تهرسه وتخلطه عشان مايحصلون عليها بسرعه ويضطرون ياكلون الدراي فود..

وبالتوفيق

الله يفتحها عليج دنيا واخرة

اضم صوتي لكلامي اختي نونه بارك الله فيها