هل الببغاء يتحلم

[إكليكتوس]

السلام عليكم ورحمة الله وبركاته


يالغالين عندي يلوناب مبروك ومدلع وصحه ماشاء الله عليه ولاحظت انه احيان وهو نايم يقوم فجأه ويصرخ صرخه خفيفه ويرجع ينام على طول ....... واحيان وهو نايم يتكلم ويخربط ويصفر لاكن بصوت خفيف واذا قربت منه الاقيه في سابع نومه وعيونه مغمضه لدرجة اني اطلع صوت خفيف ولا يدري عني ساحبها نووووم

هل هو يتحلم ولا وش سالفته؟؟؟؟؟؟ اتمنى اجد جواب شافي

[عبدالعزيز العتيبي]

نفس حالتك ... الكاسكو عندي يتكلم ويحرك رأسه وهو نايم

اعتقد انه يحلم

[إكليكتوس]

حياك يابو سعود .. وذكرتني بتحريك الراس الله يذكرك الشهادة


اتمنى من الخبراء افادتنا

ومشكور على التفاعل

[الكاكي]

نعم جميع الحيوانات تتحلم طبيعي

[إكليكتوس]

ألف شكر أخوي الكاكي على الإفادة

استغرب وش الحلم إللي يخلي البغبغاء يقوم فجأه ويصرخ ؟؟؟؟ يعني مثلا يتحلم انه في الامازون فوق شجره كبيره وفجأه نط عليه قرد ؟؟؟؟

أو يتحلم اني قاعد اسولف معاه ...... ويقعد يسولف وهو نايم ؟؟؟؟

بصراحه شي غريب ...... بحاول اسوي بحث في مواقع الخواجات ...... واشبع فضولي

[صوغة]

اعتقد اي تحلم واتعيد كلمات سمعتها وامور حدثت لها خلال اليوم

يمكن يصرخ من موقف مر فيه وخوفه

عندي تسجيل لدرتي وهي تسولف واتهذر كلمات اعرفها وكلمات ماعرفها واتعيد ضحكات واتخربط بس ماعرفت انزله بالمنتدى

ولكشفت عن القفص ابي اشوفها صاحيه ولا نايمه تكون نايمة احاول اغريها بالاكل عشان تتجاوب مثل لمن تكون صحيه بس ماتتجاوب تظل مثل الجمااد معناه فعلا نايمة..

واكثر من مره صار هالشي

لذلك هي فعلا الطيور اتحلم ..