اشترك في نشرتنا البريدية ليصلك كل جديد

hamtora · 27-03-2007, 10:12 PM

السلام عليكم ورحمة الله وبركاته

نداء إلى أخواني الأعزاء المهتمين بالحيوانات الأليفة ..
أنا أختكم همتورة ولكن !!
أقدر أقول عن نفسي اليوم أني مبتدئة في مجال الحيوانات الصغيرة ، لأن أهتماماتي كانت بالطيور .. لكن صار عندي همستر ومحتاجة أعرف معلومات عن تغذيته وتربيته..

ولكن!! بدايتاًً أعرفكم بالهمستر اللي عندي

همستري أو بلأحرى همسترتي يعني اللي عندى أنثى كبيرة شوي متدربة بعض الشئ لأن أقدر احملها ماتعض ولا شي..

وحالياً أأكلها خس وحب شمسي و قفصها كبير بعض الشئ بس احسه مريح وواسع ..

ولكن!! أحس أني مو عارفه كيف أدربها وشنو الألعاب اللي ممكن ألعب معاها فيها أو اشتري لها .. فلما اطلعها من القفص أعطيها حب شمسي شوية -وطبعاً تخزنه في فمها- وبعدين أرجعها القفص!!

وأيضاً للعلم بعض الأحيان أحس بالخوف تجاها فما أمد يدي لما أعطيها الحب لكن أطعمها أياه ..

فياريت حد مجرب ومربي يزودني بالمعلومات المفيدة و يتكلم عن تجربته وخبراته..

وأيضاً ياريت حد يقولي عن أسماء كتب أو وين ممكن ألقى كتب عن الهمستر ومواقع ويااااااريت إن أمكن عربية ولكن!! إذا مافيه مو مشكلة إنقليزية..

وشكراً .. بإنتظار إضافاتكم..
ولكن !!
إلى ذلك الحين نستودعكم الله

hamtora · 27-03-2007, 10:25 PM

وين الردود

Withered Rose · 27-03-2007, 10:37 PM

بالبداية .. هذه ليست مشكله الهامستر مع الوقت يكسبه الإنسان بس شوي يبيله بعض التعامل معاه و بيكون كلشي تمام ..

هذا موضوع راح يساعدكِ

كيف تجعل الهامستر صديقك !
http://www.2zoo.com/vb/showthread.php?t=6977

و أيضا يمكنك زياره هذه الصفحه جمعت بها كل المواضيع المهمه

http://www.2zoo.com/vb/showthread.php?t=12329

و أي إستفسار أحنا حاضرين ..

hamtora · 27-03-2007, 10:42 PM

شكرا لك يا withered rose

اللندني14H · 27-03-2007, 10:42 PM

والله ماقصرت withered

والله يعطيك العافيه

رعوود · 28-03-2007, 07:42 AM

اختنا ويذر ما قصرت

واي سؤال حاضرين باي وقت

banotat_dxb · 28-03-2007, 01:46 PM

إختي تقدرين تحصلين كل المعلومات اللي انتي محاتجة لها
في المواضيع المثبته .. والله يخلي لج الهمستره مالتج .. وأهم شي
إنها ماتعض ليش تخافين منها .. لاتخلين حاجز بينج وبينها ..
ولا عن الكتب والمواقع ... أنا أشوف كل اللي تحتاجينه بتحصلينه في هالمنتدى