مكينه تفريخ وندمت،،

[صمت الأمل]

وعليكم السلام ورحمة اللهـ وبركاتهـ .


اللهـ يعوض عليكـ ان شاء اللهـ ويكون في الأمر خير .


لكن هالتجربهـ المفروض ماتمنعكـ من التفقيس مرهـ أخرى .


تعلم من الأخطاء اللي حصلت وان شاء اللهـ ماتتكرر هالمشاكل .


راح أقول لكـ ايش اللي صار معكـ :


أولا : مساعدة الفراخ على التفقيس ,, تقدر تتدخل وتساعدهم اذا مر على كسر البيض 6 _ 8 ساعات .


اذا لاحظت انهـ مافيهـ تقدم كبير أو ان الصوص يحاول يكسرها لكن يواجهـ مشاكل .. ممكن تساعدهـ بشيء بسيط .


طبعا مو تروح تكسر البيضهـ عنهـ ,, لأ .. فقط تحاول تكسر شيء بسيط عند مكان الفتحهـ الأصليهـ .


واستمر بالمراقبهـ حتى تشوف اكتمال التفقيس .


لأن أحيانا تدخلكـ في مساعدتهـ ممكن ينقذ حياتهـ ,, وأنت حاليا تقوم مقام أمهـ اللي تساعدهـ بهالمرحلهـ .



ثانيا : مثل ماقال أخي أحمد ,, اذا شفت ان الكسر فيهـ دم ,, معناهـ لسى ما استعد للتفقيس الكامل .


لازم مايكون فيهـ أي دم عشان تعرف ان الصوص مستعد للخروج من البيضهـ .



ثالثا : بما انكـ تقول ان القشرهـ لاصقهـ عليهم ,, معناهـ هذا من قلة تقليب البيض .


كم كنت تقلبهم باليوم الواحد ؟؟


لازم تقلبهم من 4 _ 5 مرات حتى ماتلصق القشرهـ على الصوص .


رابعا وأخيرا ,, اذا لاحظت تشوهات بالصوص .. هذا معناهـ من تذبذب حرارة الفقاسهـ .. او اذا كنت نقلت البيض من مكان بعيد لآخر واهتز البيض بشكل عنيف ,,


هذا أهم الأسباب لتشوهـ الصيصان .


مثل ماقلت لكـ لاتتركـ هالتجربهـ بسبب خطأ حصل لأول مرهـ .


جرب مرهـ ثانيهـ وثالثهـ ,, وان شاء اللهـ نشوفكـ من خبراء التفقيس .


أعتذر لكـ على الإطالهـ ,, وكل هذي نصائح عن تجارب .


كل التوفيق لكـ .