سؤال عالطاير للخبراء

[ri940449]

بالنسبة للطير اللي عندي ما يتحجى الا بالصبح وعند الغروب وبس
يعني نادرا ما اشوفه يحجى في الاوقات الثانية؟
ما هو السبب؟
والاهم كيف يمكن احفزه على اسنمرارية الكلام؟
يعني شفت كاسيكو مجرد صاحبه يكلمه يرد في نفس الوقت
انا هاللي عندي يتجاهلني حتى لو كررت كلمات يعرفها؟

[1Njood]

هل الطير اليف ؟
كل طائر وتدريبه وذكاءه اصبر عليه علمه
انا ما علم ببغاتي الكلام الا الشغالات بس يخرطون فوق راسه الى ما تكلم -____________- الحين ابيه يسكت
وكيف يتجاهلك يعني وش تبيه يسوي هو يفهم عادي استمر معه ولو مالك خلق اشتري واحد متكلم ومتدرب فيه كثير
وسمعت ان الفلفل يخليهم يتكلمون بس مدري عن صحة المعلومه بس مو تروح تلخه فلفل باعتدال
** بس بعد حاول انك تبيعه بالمنتدى مو بمحل حيوانات احسهم جد يهملونهم :\
هذا رايي ان شاء الله الاعضاء يفيدونك اكثر

[بومحمد1]

مرحبا
بالنسبه للفلفل انتبه هذا خطير جدا السمحه اخت نجود
وكلامك الباقي صحيح جدا
بس يبقى شي واحد وهو ان الكاسكو في الغالب صعب يتفاعل معاك انا تعبت معاهم وفي النهايه قررت اخذ
امزونات وجربت كل انواعها وهي طيور جريئه وتتجاوب وتحب الفه والمناجر وشرط انك انت بتقول لها لخاص سكتي
واذا تقدر تجي الاحساء بالاحساء تعال تفرج اخوي

[ri940449]

اشكركم على الرد اخواني
بس تبون الصدق انا ما اتوقعت انه تربية الببغاءات بها الصعوبة او اللي عندي غبي
يعني اهو اليف مرح حبوب
بس الكلام ينطق بس عكب ما يطلع روحك
شكرا على كل شئ
بس الظاهر لا الكاسيكو ولا الامازون فيهم خير
اللي ينفعك الحظ اذا خذيت طير وطلع ذكي بيبدع لك
اما شكل اللي عندي غبي
او يمكن انا اللي مو بعارف اعلمه صح